काठमाडौं- नवनियुक्त मन्त्रीद्वय सुधा गौतम र बब्लु गुप्ताले राष्ट्रपति रामचन्द्र पौडेलबाट पद तथा गोपनीयताको शपथ लिएका छन् ।

शीतल निवासमा आयोजित विशेष समारोहमा गौतमले स्वास्थ्य तथा जनसङ्ख्या र गुप्ताले युवा तथा खेलकुद मन्त्रीका रूपमा शीतल निवासमा राष्ट्रपतिसमक्ष शपथ लिएका हुन् ।

यस्तै मन्त्रीमा सिफारिस भएकामध्ये खगेन्द्र सुनार र गणपतिलाल श्रेष्ठको विवाद भएपछि शपथ रोकिएको छ। सुनारलाई श्रम, रोजगार तथा सामाजिक सुरक्षा र श्रेष्ठलाई संस्कृति, पर्यटन तथा नागरिक उड्डयन मन्त्रालयको जिम्मेवारी दिनेगरी राष्ट्रपतिसमक्ष सिफारिस भएको थियो।