विहीबार, २१ जेठ २०८३
ताजा समाचार
माछापुच्छ्रे बैंक र जोयालुक्कास एक्सचेन्जबीच रेमिट्यान्स सम्झौता
आजको अर्थ संवाददाता
सोमबार, ०८ मंसिर २०८२, ११ : ३८
काठमाडौं- माछापुच्छ्रे बैंक लिमिटेड र संयुक्त अरब इमिरेट्स (युएई) स्थित जोयालुक्कास एक्सचेन्जबिच सम्झौता भएको छ ।
सम्झौतापत्रमा जोयालुक्कास एक्सचेन्जका तर्फबाट महाप्रबन्धक मरिशकुमार कर्ण र बैंकका तर्फबाट नायब प्रमुख कार्यकारी अधिकृत प्रसिद्धराज अर्यालले हस्ताक्षर गरेका हुन् ।
यससँगै युएईस्थित जोयालुक्कास एक्सचेन्जका ३० भन्दा बढी शाखाबाट ‘एमबिएल रेमिट’ गरी सजिलै नेपाल पैसा पठाउन सक्नेछन् ।
सो रकम माछापुच्छ्रे बैंकका देशभरका एक सय ६५ शाखा, शाखारहित बैंकिङ सेवा र ११ एक्सटेन्सन काउन्टर तथा २० हजारभन्दा बढी रेमिट्यान्स एजेन्टमार्फत सजिलै भुक्तानी लिन सकिने जनाइएको छ ।
जोयालुक्कास एक्सचेन्जबाट ‘एमबिएल रेमिट’ गरी पठाइएको रेमिट्यान्स नेपालका जुनसुकै बैंकका खातामा तुरुन्त जम्मा हुने व्यवस्था गरिएको बैंकले जानकारी दिएको छ ।
सोमबार, ०८ मंसिर २०८२, ११ : ३८
प्रतिक्रिया