काठमाडौं- भारतको गोवाबाट सुरु भएको ऐतिहासिक Ather 450 इलेक्ट्रिक स्कुटर यात्रा नेपालमा सफलतापूर्वक सम्पन्न भएको छ। दुई उत्साही राइडरहरूले आगमन–प्रस्थान सहित ६,००० किलोमिटरभन्दा बढी दूरी तय गर्दै इलेक्ट्रिक मोबिलिटीप्रतिको धारणा नै बदल्ने यात्रा गरेका छन्।

यो यात्रा केवल दूरीको मात्र कुरा होइन। यसले EV प्रयोगकर्ताहरूबीच देखिने सबैभन्दा ठूलो चुनौती-रेन्ज एङ्जायटी र चार्जिङको असहजता-लाई अनुभवकै माध्यमबाट समाधान गरेको छ। ९ जनवरीमा गोवा, भारतबाट सुरु भएको यस यात्रामा राइडरहरूले गोवा, गोरखपुर, बुटवल, चितवन हुँदै १९ जनवरीमा काठमाडौँसम्मको मार्ग तय गरे।

यात्राका क्रममा उनीहरूले विभिन्न भू–भाग, लामो राजमार्ग, अन्तरदेशीय सीमा र वास्तविक चार्जिङ अवस्थाहरूको सामना गरे। प्रत्येक किलोमिटरले एकै सन्देश दिइरहेको थियो- Ather अब दूरी वा विश्वसनीयताले सीमित छैन। Ather 450 को बलियो प्लेटफर्म र बढ्दो चार्जिङ नेटवर्कले EV अपनाउँदा देखिने चुनौतीलाई अनुभवकै माध्यमबाट हटाएको छ।

यस यात्राको अर्को उद्देश्य समुदाय निर्माण पनि थियो। भारत र नेपालका Ather प्रयोगकर्ताबीच अर्थपूर्ण भेटघाट र संवादको माध्यमबाट विश्वास र अपनत्व विस्तार भएको छ। Ather Experience Center हरूमा EV र टेक उत्साहीहरूसँग Meet & Greet कार्यक्रम आयोजना गरिएको थियो, जसले प्रयोगकर्तालाई प्रत्यक्ष अनुभव साझा गर्ने अवसर दिएको छ।

यात्रामा प्रयोग गरिएको Ather 450 भारतमै डिजाइन, इन्जिनियर र निर्माण गरिएको स्कुटर हो। विभिन्न मौसम र सडक परिस्थितिमा सफल यात्रा पूरा गर्दै, यसले प्रमाणित गर्‍यो कि Ather केवल एउटा ब्रान्ड होइन, दीर्घकालीन भरोसा, प्रदर्शन र विश्वसनीयताको सहयात्री हो।

काठमाडौँ प्रवेशसँगै यी दुई राइडरहरूले केवल यात्रा मात्र पूरा गरेका थिएनन्; उनीहरूले नेपालमा इलेक्ट्रिक स्कुटरको धारणा नै परिवर्तन गरेको सन्देश दिएका छन्।

Ather Energy का अनुसार, यो यात्रा EV को सम्भावना देखाउने मात्र नभई, समुदाय निर्माण र टेक्नोलोजीमा विश्वास विस्तार गर्ने पहल पनि हो।