काठमाडौं- नेपालका लागि फोर्ड गाडीको आधिकारिक बिक्रेता जी.ओ. अटोमोबाइल्स (जी.ओ. फोर्ड) ले अटोमोबाइल बजारमा एउटा निकै ठूलो र आकर्षक अफर सार्वजनिक गरेको छ। कम्पनीले 'Buy a Ford, Get an EV Free' नामक अभियान सुरु गर्दै आफ्ना प्रिमियम एसयूभी (SUV) र पिकअप गाडीको खरिदमा नयाँ विद्युतीय गाडी (EV) उपहार दिने घोषणा गरेको हो।

नेपालमा सम्भवतः पहिलो पटक ल्याइएको यो अफर अन्तर्गत ग्राहकहरूले फोर्डका चर्चित मोडेलहरू— एभरेष्ट (Everest), र्‍याप्टर (Raptor), वा रेन्जर (Ranger) खरिद गर्दा एक ब्रान्ड न्यु इलेक्ट्रिक गाडी पूर्ण रूपमा निःशुल्क प्राप्त गर्नेछन्।

बढ्दो इन्धनको मूल्य र वातावरणमैत्री यातायातमा बढ्दो चासोलाई ध्यानमा राख्दै जी.ओ. अटोमोबाइल्सले यो 'टु-इन-वान' अफर ल्याएको बताएको छ। यस योजनामार्फत ग्राहकले लामो यात्राका लागि फोर्डको शक्तिशाली र भरपर्दो इन्जिनको आनन्द लिनुका साथै सहरभित्रको दैनिक यात्राका लागि किफायती विद्युतीय गाडीको प्रयोग गर्न सक्नेछन्।

जी.ओ. अटोमोबाइल्सका प्रवक्ताका अनुसार, यो अफर नेपाली ग्राहकहरूलाई थप मूल्य र सुविधा प्रदान गर्ने उद्देश्यले ल्याइएको हो। "हामी हाम्रा ग्राहकहरूले फोर्डको रोमाञ्चक ड्राइभिङ अनुभव र इलेक्ट्रिक गाडीको व्यावहारिकता दुवै एकैसाथ पाउनुहोस् भन्ने चाहन्छौँ," प्रवक्ताले जानकारी दिए।

हाल थाइल्याण्डबाट आयात गरिएका फोर्डका Next-Gen Everest 2.0L Bi-Turbo, Next-Gen Ranger 2.0L र Next-Gen Raptor 3.0L मोडेलहरू नेपालमा उपलब्ध छन्। काठमाडौँको थापाथलीमा रहेको ४,६०० स्क्वायर फिटको सुविधासम्पन्न शोरूम र १८,००० स्क्वायर फिटको आधुनिक वर्कशपमार्फत कम्पनीले गुणस्तरीय सेवा प्रदान गर्दै आएको छ।

यो अफर सीमित अवधिको लागि मात्र लागु हुने कम्पनीले जनाएको छ। एउटै गाडीको मूल्यमा दुईवटा गाडी घर लैजान पाइने यो सुवर्ण अवसरले फोर्डका पारखीहरूमाझ नयाँ उत्साह थपेको छ।