काठमाडौं-  हुन्डाई गाडीका लागि नेपालको आधिकारिक वितरक लक्ष्मी इन्टरकन्टिनेन्टल प्रा. लि.ले नयाँ वर्ष २०८३ लाई लक्षित गर्दै “हुन्डाईसँग शुभ यात्रा २०८३” अफर सार्वजनिक गरेको छ।

कम्पनीद्वारा जारी विज्ञप्तिअनुसार नयाँ वर्षको अवसरमा ग्राहकहरूलाई आकर्षित गर्न विशेष छुट तथा सुविधासहितको योजना ल्याइएको हो। यस अफरअन्तर्गत छनोट गरिएका हुन्डाई मोडेलहरूमा ग्राहकहरूले रु. १ लाख ७५ हजारसम्म नगद छुट र रु. ९६ हजारसम्म नयाँ वर्ष बोनस प्राप्त गर्न सक्नेछन्।

यसका साथै, एक वर्षसम्मको निःशुल्क बीमा र सवारी करको सुविधा पनि उपलब्ध गराइएको छ। पुरानो गाडी साटेर नयाँ गाडी लिन चाहने ग्राहकहरूका लागि मूल्यांकन एक्सचेन्ज सुविधा पनि समावेश गरिएको कम्पनीले जनाएको छ, जसले खरिद प्रक्रियालाई अझ सहज बनाउने अपेक्षा गरिएको छ।

कम्पनीले बिक्रीपछिको सेवामा पनि विशेष जोड दिएको छ। अफरअन्तर्गत ६ वर्षसम्म निःशुल्क सर्भिस र ३ वर्षको वारेन्टी उपलब्ध गराइनेछ, जसले ग्राहकलाई दीर्घकालीन भरोसा र सुविधा प्रदान गर्ने कम्पनीको दाबी छ।

हुन्डाईले नेपालमा आफ्नो उपस्थिति थप मजबुत बनाउने क्रममा पछिल्लो दुई वर्षदेखि लोकप्रिय मोडेलहरू क्रेटा र भेन्यु देशभित्रै एसेम्बल गर्दै आएको छ। यस कार्यमा नेपाली इन्जिनियर तथा दक्ष जनशक्तिको प्रयोग गरिएको छ। कम्पनीका अनुसार ५ अर्ब रुपैयाँभन्दा बढी लगानी गरिएको यस पहलले स्थानीय सीप विकास, रोजगारी सिर्जना र औद्योगिक प्रवर्द्धनमा टेवा पुर्‍याएको छ।

लोकप्रिय मोडेलहरू, आकर्षक छुट तथा ग्राहकमैत्री सेवासहित ल्याइएको यो योजना नयाँ वर्ष २०८३ को सुरुवातलाई अझ विशेष र फाइदाजनक बनाउने लक्ष्यका साथ सार्वजनिक गरिएको हो।

कम्पनीले नयाँ वर्षको शुभकामना व्यक्त गर्दै नजिकको हुन्डाई सोरुममा गई अफरबारे विस्तृत जानकारी लिन तथा सुविधाको लाभ उठाउन सबै ग्राहकहरूलाई आमन्त्रण गरेको छ।