विहीबार, २१ जेठ २०८३
ताजा समाचार
उद्योग वाणिज्य महासंघको वार्षिक साधारणसभा आजदेखि, वरिष्ठ उपाध्यक्ष पदमा त्रिपक्षीय प्रतिस्पर्धा हुँदै
आजको अर्थ संवाददाता
सोमबार, २१ बैशाख २०८३, १२ : १२
काठमाडौं- नेपाल उद्योग वाणिज्य महासंघको ६०औँ वार्षिक साधारणसभा आजदेखि सुरु हुँदै छ । आज साधारणसभाको उद्घाटन सत्र हुनेछ भने निर्वाचन वैशाख २२ गते अर्थात् भोली नेपाल प्रज्ञा प्रतिष्ठानमा हुने निर्वाचन समितिले जानकारी दिएको छ ।
महासंघको ७३ पदाधिकारीका लागि १३७ व्यवसायीले उम्मेदवारी दिएका छन् । जिल्ला नगर, वस्तुगत र एशोसिएट समूहका विभिन्न पदमा प्रतिस्पर्धा हुनेछ भने वरिष्ठ उपाध्यक्ष, महिला उपाध्यक्ष र कोषाध्यक्षको निर्वाचन छुट्टै गरिनेछ ।
जिल्ला नगर उपाध्यक्षका लागि चार जनाबीच प्रतिस्पर्धा छ भने वस्तुगत र एशोसिएट उपाध्यक्षमा दुईरदुई जनाको उम्मेदवारी परेको छ ।
वरिष्ठ उपाध्यक्ष पदमा हेमराज ढकाल, रामचन्द्र संघई र दिनेश श्रेष्ठबीच प्रतिस्पर्धा हुदैछ । निर्वाचनपछि महासंघ वर्तमान वरिष्ठ उपाध्यक्ष अञ्जन श्रेष्ठको नेतृत्वमा अघि बढ्नेछ । यस निर्वाचनमा वर्तमान अध्यक्ष चन्द्र ढकाल र वरिष्ठ उपाध्यक्ष श्रेष्ठको समूहले प्यानल नै बनाएर चुनावी मैदानमा उत्रिएका छन् ।
सोमबार, २१ बैशाख २०८३, १२ : १२
प्रतिक्रिया