काठमाडौं- साताको दोस्रो कारोबार दिन मंगलबार नेपाली सेयर बजारमा गिरावट देखिएको छ। नेपाल स्टक एक्सचेञ्ज (नेप्से) परिसूचक ९.२४ अंकले घट्दै २७७७.१० बिन्दुमा झरेको हो।

आज नेप्सेमा ३४२ कम्पनीका १ करोड १८ लाख ७२ हजार ५०७ कित्ता सेयर किनबेच हुँदा कुल कारोबार रकम ४ अर्ब ८५ करोड रुपैयाँभन्दा बढी पुगेको छ।

कारोबार रकमका आधारमा आज आँखुखोला जलविद्युत् कम्पनी लिमिटेड अग्रस्थानमा रह्यो। कम्पनीको मात्रै ४६ करोड ७२ लाख रुपैयाँ बराबरको सेयर कारोबार भएको छ।

आजको कारोबारमा कालिन्चोक हाइड्रोपावर का लगानीकर्ताले सबैभन्दा धेरै कमाइ गरेका छन्। कम्पनीको सेयर मूल्य ९ प्रतिशतभन्दा बढीले वृद्धि भएको छ।

यता सुपर खुदी हाइड्रोपावर का लगानीकर्ताले सबैभन्दा धेरै घाटा व्यहोरेका छन्। कम्पनीको सेयर मूल्य ३ प्रतिशतभन्दा बढीले घटेको छ।