काठमाडौं- नेपाली बजारमा आज (बुधबार) सुन–चाँदीको मूल्य घटेको छ। गत मंगलबारदेखि घट्ने क्रममा रहेको सुनको मूल्यले यसदिन पनि निरन्तरता पाएको हो।

हिजो (मंगलबार) प्रतितोला पाँच सय रूपैयाँ घटेको सुनको भाउ यसदिन तोलामा आठ हजार आठ सय रूपैयाँ घटेको हो। नेपाल सुनचाँदी व्यवसायी महासंघका अनुसार आज सुन प्रतितोला दुई लाख ९७ हजार तीन सय रूपैयाँमा किनबेच भइरहेको छ।

मंगलबार सुन प्रतितोला तीन लाख ६ हजार एक सय रूपैयाँमा कारोबार भएको थियो। यस्तै, बुधबार चाँदीको मूल्य पनि घटेको छ। मंगलबार प्रतितोला चार हजार सात सय ६५ रूपैयाँमा कारोबार भएको चाँदी यसदिन तोलामा चार हजार पाँच सय ८० रूपैयाँमा किनबेच भइरहेको छ।

यो मूल्य अघिल्लो दिनको तुलनामा प्रतितोला एक सय ८५ रूपैयाँ घटेको हो। अन्तर्राष्ट्रिय बजारमा आज सुन प्रतिऔंस चार हजार तीन सय पाँच अमेरिकी डलरमा कारोबार भइरहेको छ।

यता चाँदीको मूल्य १८५ रुपैयाँले घटेर प्रतितोला ४५८० रुपैयाँमा कारोबार भईरहेको नेपाल सुनचाँदी व्यवसायी महासंघले जनाएको छ।