काठमाडौं- उपत्यकामा आज विभिन्न तरकारी, फलफूल तथा अन्य कृषि उपजको मूल्यमा वस्तुअनुसार फरक देखिएको छ। उपलब्ध मूल्यसूचीअनुसार सुकेको भारतीय प्याज प्रतिकिलो ८५ देखि ९३ रुपैयाँसम्म छ भने स्थानीय गाजर १०० देखि १२० रुपैयाँ र तराईको गाजर ८० देखि ९० रुपैयाँसम्ममा कारोबार भइरहेको छ।

त्यस्तै, स्थानीय बन्दा प्रतिकिलो ४० देखि ५० रुपैयाँ, स्थानीय काउली १०० देखि १२० रुपैयाँ, रातो मूला ३० देखि ४० रुपैयाँ र हाइब्रिड सेतो मूला ५० देखि ६० रुपैयाँसम्म रहेको छ। लाम्चो भन्टा ३० देखि ४० रुपैयाँ, डल्लो भन्टा ४० देखि ५० रुपैयाँ, तने बोडी ४० देखि ६० रुपैयाँ र मकै बोडी ९० देखि १०० रुपैयाँसम्म छ।

घिउ सिमी प्रतिकिलो ६० देखि ७० रुपैयाँ, टाटे सिमी ७० देखि ८० रुपैयाँ, भटमासकोशा ९० देखि १२० रुपैयाँ, तितो करेला ६० देखि ७० रुपैयाँ र लौका ५० देखि ६० रुपैयाँसम्म छ। चिचिण्डो २० देखि ३० रुपैयाँ, घिरौला ३० देखि ४० रुपैयाँ, भिण्डी ५० देखि ६० रुपैयाँ र स्कूस १० देखि २० रुपैयाँसम्म रहेको छ।

सागसब्जीतर्फ रायो साग ८० देखि १०० रुपैयाँ, पालुंगो साग ८० देखि १२० रुपैयाँ, तोरीको साग ५० देखि ८० रुपैयाँ र हरियो प्याज १५० देखि २०० रुपैयाँसम्म छ। कन्य च्याउ प्रतिकिलो २०० देखि २४० रुपैयाँ तथा डल्ले च्याउ ४५० देखि ५०० रुपैयाँसम्म रहेको छ। सिताके च्याउ भने ८०० देखि १ हजार रुपैयाँसम्म पुगेको छ।

फलफूलतर्फ फुजी स्याउ प्रतिकिलो ३०० देखि ३५० रुपैयाँ, जुम्लाको स्याउ २५० देखि ३५० रुपैयाँ र मुस्ताङको स्याउ १३० देखि १६० रुपैयाँसम्म छ। नेपाली केरा दर्जनको १५० देखि २०० रुपैयाँ तथा मालभोग केरा १०० देखि १५० रुपैयाँसम्म रहेको छ। कागती प्रतिकिलो २०० देखि ३०० रुपैयाँ, अनार ३०० देखि ३५० रुपैयाँ र जुनार १५० देखि २०० रुपैयाँसम्म छ।

त्यस्तै, किवी प्रतिकिलो ३५० देखि ४०० रुपैयाँ, शरीफा २०० देखि २५० रुपैयाँ, एभोकाडो ३०० देखि ३५० रुपैयाँ र ड्रागन फ्रुट ५०० देखि ६०० रुपैयाँसम्म रहेको छ। अदुवा २०० देखि २३० रुपैयाँ, सुकेको खुर्सानी ५०० देखि ५५० रुपैयाँ तथा हरियो धनिया १०० देखि १५० रुपैयाँसम्म छ।

माछातर्फ सुकेको माछा प्रतिकिलो ८०० देखि १ हजार रुपैयाँ, ताजा रहु माछा ३४० देखि ३७० रुपैयाँ, बचुवा ३०० देखि ३४० रुपैयाँ र छडी माछा ३२० देखि ३५० रुपैयाँसम्म रहेको मूल्यसूचीमा उल्लेख छ।