नेपाल भ्रमण वर्ष २०२० को अबसरमा नेपाली होटल व्यवसायीहरुले होटलको कोठा र खानामा छुट दिने घोषणा गरेका छन् ।
भ्रमणवर्षभर होटलका कोठामा ३० प्रतिशत र खानामा १५ प्रतिशत छुट दिने होटल संघ नेपाल (हान) ले घोषणा गरेको हो ।
विदेशी पाहुनलाई नेपाल भ्रमणवर्षमा आकर्षित गर्नका लागि यो छुट योजना ल्याइएको हानका महासचिव साजन शाक्यले बताए ।
‘पाहुनालाई भ्रमण वर्षमा केही सहुलियत दिने सोचसहित छूटको घोषणा गरेका हौं ’, उनले भने ।
हानले घोषणा गरेको छुट विदेशी पाहुनका लागि हानका सदस्य होटेलमा मात्र उपलब्ध हुने जनाइएको छ ।
देशभर एक दर्जनभन्दा बढी होटलहरु हानका सदस्य होटल छन् ।
ति मध्ये तारे होटेलदेखि ठूलो लगानीका पर्यटक होटलसम्म छन् ।
प्रतिक्रिया