काठमाडौं–ललितपुरका चन्दनकृष्ण कायस्थको बूढानीलकण्ठमा रहेको करोडौं मूल्य पर्ने घडेरी कीर्ते गरेर बेचबिखन गरेको प्रकरणमा मालपोत कार्यालय चाबहिलका ४ कर्मचारी पक्राउ परेका छन् ।
पक्राउ पर्नेमा मालपोत अधिकृत खगेन्द्र अर्यालसहित नासु रघुनाथ तिमल्सिना, रञ्जन कुमार खरेल र जमुना कुमारी श्रेष्ठ रहेका छन् ।
महानगरीय प्रहरी बृत्त गौशालाका प्रहरी उपरीक्षक सुनील मल्लले अधिकृतसहित ४ जनालाई नियन्त्रणमा लिएर अनुसन्धान प्रक्रिया अघि बढाइएको जानकारी दिए ।
ललितपुरको हात्तीवन बस्ने चन्दनकृष्ण कायस्थको बूढानीलकण्डको २ रोपनी ८ आना जग्गा जग्गा मालपोतका कर्मचारीको समेत मिलेमतोमा कीर्ते गरी बेचबिखन भएको थियो ।
यसअघि नै प्रहरीले जग्गा किनबेचमा संलग्न तीन जनालाई हिरासतमा लिएर अनुसन्धान थालेको थियो ।
प्रहरीका अनुसार कायस्थको जग्गा किन्ने श्रीकृष्ण देवकोटा र धु्रबप्रसाद भट्टराई तथा जग्गाको वारेसनामा लिने प्रदीप गौतमलाई हिरासतमा थियो ।
जग्गा बिक्री गर्ने गिरोहले उक्त जग्गा ६ करोड रुपैयाँमा बेचेको बताइएको छ ।
प्रतिक्रिया