काठमाडौँ– नेपालमा पछिल्लो २४ घण्टामा थप ३ हजार ९३ जना कोरोना संक्रमित थपिएका छन्। यससँगै कुल कोरोना संक्रमितको संख्या १ लाख ३९ हजार १ सय २९ पुगेको छ।

स्वास्थ्य तथा जनसंख्या मन्त्रालयका अनुसार मंगलबार २ हजार १०८ जना कोरोना संक्रमित डिस्चार्ज भएका छन्। हालसम्म डिस्चार्ज हुनेको संख्या ९६ हजार ६ सय ९ पुगेको छ।

पछिल्लो २४ घण्टामा १३ हजार ८ सय ६१ जनाको पीसीआर परीक्षण गरिएको स्वास्थ्य मन्त्रालयले जनाएको छ। हाल देशभर सक्रिय संक्रमितको संख्या ४१ हजार ७ सय ७५ रहेको छ भने ४ हजार २ सय २० जना क्वारेन्टिनमा छन्।

पछिल्लो २४ घण्टामा थप ८ जनाको कोरोनाबाट मृत्यु भएको छ। यससँगै नेपालमा कोरोनाबाट ज्यान गुमाउनेको संख्या ७ सय ६५ पुगेको छ।