बलिउड अभिनेता जोन अब्राहम र अभिषेक बच्चन पुनः एकै फिल्ममा देखिने भएका छन् । 
मलायलम चलचित्र ‘अय्याप्पनम कोशीयम’को हिन्दी रिमेकमा जोन र अभिषेक १३ बर्ष पछी एकै फिल्ममा देखिने भएका हुन् । 

मौखिक रूपमा यी दुई कलाकारबीच कुराकानी भइसकेको र चाँडै नै कागजी काम पनि पूरा हुने भारतिय संचारमाध्यमले जनाएका छन् ।

दिवंगत साचीको  निर्देशनमा बनेको  ‘अय्याप्पनम कोशीयम’मा अभिनेताद्वय पृथ्वीराज र बिजु मेनन मुख्य भूमिका रहेको छ  । ‘अय्याप्पनम कोशीयम’ लकडाउन हुनुअघि मात्रै रिलिज भएको थियो । 

यता, अभिनेता जोन र अभिषेकको कुरा गर्नुपर्दा उनीहरुले सँगै काम गरेको पछिल्लो चलचित्र ‘दोस्ताना’ सन् २००८ मा रिलिज भएको थियो । जोन अब्राहमले मार्चमा हिट मलायलम चलचित्र ‘अय्याप्पनम कोशीयम’को हिन्दी रिमेक गर्ने अधिकार लिएका थिए ।