गएको माघ महिनामा वैदेशिक रोजगारीका लागि श्रम स्वीकृति लिनेको संख्या २१।२६ प्रतिशतले बढेको छ । कोरोना महामारीको त्रास कम भएसँगै नँया , पुनः र वैधानिक गरि वैदेशिक रोजगारीका लागि श्रम स्वीकृति लिनेको संख्या ३१ सयले बढेको हो । 

कोरोना महामारीका कारण गएको चैतदेखि असारसम्म वैदेशिक रोजगारीमा जाने क्रम ठप्प भएको थियो । साउनदेखि पुनः  वैदेशिक रोजगारीमा जान शुरु गरे सँगै ३ हजार १ सय ५२ जना मात्र नेपाली रोजगारीका लागि गएका थिए । तथ्याङ्क अनुसार भदौमा १५ सय २५, असोजमा ८ हजार ९७ , कार्तिकमा १५ सय ८३, मंसिर ४ हजार ३ सय ७७ र पुसमा १४ हजार ७ सय ५३  जना र माघमा १७ हजार ८ सय ८७ जनाले श्रम स्वीकृत लिएका छन् । 

तथ्याङ्क अनुसार माघ महिनामा ७४ जिल्लामध्ये २७  जिल्ला बाट एक सय भन्दा बढी  सङ्ख्यामा वैदेशिक रोजगारीका लागि बाहिरिएका छन् ।  सबैभन्दा धेरै धनुषा जिल्ला बाट ५ सय ९६ जना, सिरहा बाट ४ सय ८७, महोत्तरी बाट ४ सय २० भन्दा बढीले श्रम स्वीकृत लिएका छन् । 

जसमा सबैभन्दा धेरै वैदेशिक रोजगारीमा जाने पुरुषको संख्या रहेको छ ।  यस्तै झापाबाट सबैभन्दा धेरै १ सय ४ जना महिला बाहिरिए छन् । ७४अ‍ैै जिल्लाबाट ६ हजार ९ सय ३५ पुरुष वैदेशिक रोजगारीमा  गएका छन् भने ८ सय १७  जना महिला बाहिरिएको तथ्याङ्कमा उल्लेख छ ।