विहीबार, १९ असार २०८२
ताजा समाचार
पाकिस्तानी प्रधानमन्त्री खान श्रीलङ्का प्रस्थान
आजको अर्थ संवाददाता
मंगलबार, ११ फागुन २०७७, १४ : ४०
पाकिस्तानका प्रधानमन्त्री इमरान खानले मंगलबारदेखि श्रीलङ्काको भ्रमण सुरु गरेका छन् ।
दुई दिने औपचारिक भ्रमणका लागि उहाँ आज त्यस तर्फ प्रस्थान गरेका हुन् ।
पाकिस्तानी प्रधानमन्त्री खान श्रीलङ्काका समकक्षीको निमन्त्रणामा श्रीलङ्काको भ्रमणमा जानु भएको हो ।
भ्रमण टोलीमा प्रधानमन्त्रीसँगै पाकिस्तानी विदेश मन्त्री शाह मोहम्मद कुरेशी, प्रधानमन्त्रीका बाणिज्य, उद्योग, कर तथा लगानी सम्बन्धी सल्लाहकार अब्दुल रजाक दाउद र प्रधानमन्त्रीका विषेश सहयोगी सयद जुल्फीकार अब्बास बुखारी पनि सहभागी भएका छन् ।
प्रधानमन्त्री भएपछि उनले पहिलो पटक श्रीलङ्काको भ्रमण गर्नुभएको अधिकारीहरुले जनाएका छन् । उनी सन् २०१८ को अगस्टमा पाकिस्तानको प्रधानमन्त्री हुनुभएको हो ।
खान नेतृत्वको भ्रमण टोलीले व्यापार, लगानी, स्वास्थ्य, शिक्षा, कृषि, विज्ञान तथा प्रविधिलगायतका विषयमा छलफल गर्ने जनाइएको छ ।
मंगलबार, ११ फागुन २०७७, १४ : ४०
प्रतिक्रिया