आइपुग्यो १४ लाख स्मार्ट लाइसेन्स कार्ड, सबैले नपाउने

मंसिर ९, २०७८ | आजको अर्थ
ajaako_artha

काठमाडौं - फ्रान्सेली कम्पनी सेल्प एसएसएलले तोकिएको समय भन्दा डेढ बर्ष ढिलो गरि १४ लाख स्मार्ट कार्ड ल्याएको छ । 

यातायात विभागले मगाएको स्मार्ट लाइसेन्सका लागि अघिल्लो बर्षको असारमा टेण्डर आह्वान गरेको थियो । यातायात विभागले जिम्मा दिएको सो कम्पनीले १४ लाख स्मार्ट कार्ड ल्याए पनि नेपालमा स्मार्ट लाइसेन्सका माग अनुसार स्मार्ट कार्ड सेवाग्राहीलाई स्मार्ट लाइसेन्स दिन नसक्ने भएको छ ।

यातायात व्यवस्था विभागले १४ लाख स्मार्ट कार्ड आइपुगेको जानकारी दिएको छ । यो लटमा स्मार्टकार्ड नपाउने सेवाग्राहीले अर्को पटकको टेण्डरबाट कार्ड ल्याएपछि मात्रै लाइसेन्स पाउने बताइएको छ । 

सो कार्ड हाल भन्सारमा आइपुगेको छ । तर, ल्याइएको कार्ड भन्दा आठ लाख बढी सेवाग्राहीले लाइसेन्सका लागि मात्रै आवेदन दिएका छन भने अघिल्लो बर्षको लकडाउनदेखि अहिलेसम्म १५ लाख बढी नयाँ लाइसेन्सका लागि आवेदन दिएका छन । ट्रायल कटाउने मात्रै ७ लाख बढी रहेको विभागले जनाएको छ । 

अहिले विभागले विदेश जानेका लागि मात्रै अर्जेण्ट लाइसेन्स प्रिन्ट गर्दै आएको छ । अर्जेण्ट कार्डका लागि  यातायात व्यवस्था विभागसँग सिमित कार्ड मात्रै बाँकी छ ।

विभागले कार्ड अभावका कारण चालक अनुमति पत्र नवीकरणका लागि निवेदन दिएका सेवाग्राहीलाई समेत स्मार्ट कार्ड उपलब्ध गराउन सकेको छैन ।

विभागको अनलाइन आवेदनमा हाल अफिस समयमा बन्द गरिए पनि दैनिक २२ हजारले नयाँ लाइसेन्सका लागि आवेदन दिइरहेको र शुरु शुरुमा ५० देखि ७० हजारको संख्यामा लाइसेन्स आवेदक देखिएको ती अधिकारीको भनाई छ ।

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar१२२.०३१२२.६३
European Euro१३१.६६१३२.३१
UK Pound Sterling१५०.८७१५१.६१
Swiss Franc१२५.०९१२५.७१
Australian Dollar७७.७८७८.१६
Canadian Dollar८६.९२८७.३५
Singapore Dollar८५.६५८६.०८