काठमाडौँ - रोहतो मेन्थोलाटम नेपालले आफ्नो वातावरण, सामाजिक र स्वास्थ्य कार्यक्रमको रूपमा बनेपामा वृक्षारोपण कार्यक्रम गरेको छ। यो परियोजनाले वातावरणमा सकारात्मक प्रभाव पार्ने उद्देश्य राखेको कम्पनीको भनाइ छ।

 यो कार्यक्रम कम्पनीको दिगोपनप्रतिको समर्पण र हरियो भविष्य सिर्जना गर्ने लक्ष्यको प्रमाण भएको कम्पनीको भनाइ छ ।  स्थानीय बासिन्दा र रोहटोका टोलीका सदस्यहरू सहित कम्पनीका अध्यक्ष हिरोफुमी शिरमास्तु, प्रबन्ध निर्देशक सुनसुके सिनोडा, बोर्ड सदस्यहरू, बनेपा नगरपालिका वडा नं.१३ र १४ स्थानीय प्रतिनिधिको उपस्थितिमा उक्त कार्यक्रम  मे १६ मा सफल भएको थियो। 

 रोहतो मेन्थोलाटम नेपालले व्यवसायका साथसाथै वन फँडानी विरुद्ध लड्न र जलवायु परिवर्तनका प्रभावहरूलाई न्यूनीकरण गर्ने सवालमा महत्व दिँदै आएको छ । 

रूख रोपेर, कम्पनीले पारिस्थितिकी प्रणालीहरू बृद्धि गर्ने, प्राकृतिक बासस्थान पुनर्स्थापना गर्ने, जलवायु परिवर्तनसँग लड्ने र स्थानीय समुदायहरूलाई दीर्घकालीन फाइदाहरू प्रदान गर्ने लक्ष्य राखेको छ।

 
रोहतो मेन्थोलाटम नेपाल  बहुराष्ट्रिय कम्पनी हो । यसको स्थापना सन् २०१८ मा भएको थियो । रोहतो फार्मास्युटिकल कम्पनी जापानको सहायक कम्पनी यसले नेपालमा  उच्च गुणस्तरको कस्मेटिक र छाला हेरचाहसम्बन्धी उत्पादन गर्दै आएको छ ।