काठमाडौँ-  एभरेष्ट बैंकको लाभांश सुरक्षित गर्ने आज असोज १५ गते अन्तिम दिन रहेको छ। 

लाभांश र वार्षिक साधारणसभा प्रयोजनका लागि  बैंकले भोलि असोज १६ गते बुक क्लोज गर्ने निर्णय गरेको छ  यसको अर्थ आज असोज १५ गतेसम्म कायम सेयरधनीहरुमात्रै  बैंकको लाभांश पाउन र सभामा भाग लिन योग्य हुनेछन्। 

 बैंकले आफ्नो २९ औँ वार्षिक साधारणसभा यही असोज ३० गते काठमाण्डौको लैनचौरस्थित लैनचौर ब्यांक्वेटमा डाकेको छ। सभा बिहान ११ बजेबाट सुरु हुनेछ। 

सभाले आर्थिक वर्ष २०७९–८०का लागि प्रस्तावित चुक्तापुँजीको कुल २०.५३ प्रतिशत लाभांश अनुमोदन गर्नेछ। जसमा १० प्रतिशत बोनस सेयर र १०.५३ प्रतिशत नगद लाभांश (करसहित) छन्। 

बैंकले प्रस्तावित बोनस सेयर जारी भएपश्चात पुँजीवृद्धि हुने भएकोले सोहीबमोजिम संशोधन गर्ने विशेष प्रस्ताव पनि पारित गर्नेछ। संस्थापक सेयरधनीहरुका तर्फबाट सञ्चालक समितिमा नियुक्त भएका सञ्चालकको नियुक्ति सभाले अनुमोदन गर्नेछ। 

सभाले उक्त आर्थिक वर्षको वार्षिक तथा लेखापरीक्षकको प्रतिवेदन पनि पारित गर्नेछ।