काठमाडौँ - मारुती सुजुकीले एक ७ सिटर प्रिमियम एसयूभी बजारमा उतार्ने तयारीका साथ कार्य गरिरहेको छ । सो प्रिमियम एसयूभी ग्रान्ड भिटारको ७–सिटर भर्सन हुन सक्ने बताइएको छ । सो कारले बजारमा टाटा सफारी र महिन्द्रा एक्सयूभी७०० लाई टक्कर दिनेछ ।

 कम्पनीले यसको वारेमा आधिकारिक जानकारी नदिए पनि केही मिडिया रिपोर्टका अनुसार यसममा एड्भान्स्ड ड्राइभर असिस्टेन्स सिस्टम (एडीएएस) जस्ता सेफ्टी फिचर हुनेछ ।मारुती सुजुकीले सो नयाँ एसयूभीलाई कम्पनीको लाइनअपमा ग्रान्ड भिटारा र इन्भिक्टोको बीचमा राख्नेछ । यसको मूल्य भारतीय बजारमा करिव १५ लाख भारु देखि शुरु हुने अनुमान गरिएको छ ।

सो कार हालको ग्रान्ड भिटारा भन्दा केही ठूूलो हुनेछ भने यसको फ्रन्टमा नयाँ ग्रिल र हेडल्याम्प तथा नयाँ अलोय ह्विल र कनेक्टेड टेक्नोलोजी जस्ता फिचर हुनेछ ।यसमा ग्रान्ड भिटारा जस्तै १.५ लिटरको नेचुरल्ली एस्पिरेटेड माइल्ड हाइब्रिड पेट्रोल इन्जिन अप्सन हुन सक्नेछ, जसले ११५ बीएचपी पावर र २५० एनएम टर्क जेनेरेट गर्छ । यसका साथै यसमा नन–हाइब्रिड इन्जिन अप्सन पनि हुन सक्नेछ ।