काठमाडौँ- कालीमाटी फलफूल तथा तरकारी बजार विकास समितिले बुधवारका लागि तरकारी तथा फलफूलको मूल्य निर्धारण गरेको छ । 

जस अनुसार आज लोकल सानो गोलभेँडा सबै भन्दा सस्तो छ भने डल्ले च्याउ सबैभन्दा महँगो छ। गोलभेँडा आज १० देखि १६ रुपैयाँ प्रतिकिलो छ। टनेलको सानो गोलभेँडा २० देखि २५ रुपैयाँ प्रतिकिलो छ। तराईको सानो गोलभेँडाको भाउ २० देखि ३० रुपैयाँ प्रतिकिलो छ।

ठुलो गोलभेँडा भने ४० देखि ५० रुपैयाँ मूल्य तोकिएको छ। भारतीय ठुलो गोलभेँडाको भाउ १० रुपैयाँ महँगिएर ५० देखि ६० रुपैयाँ प्रतिकिलो तोकिएको छ। रातो आलु ३४ देखि ३६ रुपैयाँ प्रतिकिलो र भारतीय रातो आलु ३० देखि ३२ रुपैयाँ तोकिएको छ।

त्यस्तै भारतीय सुकेको प्याज आज चिनियाँ प्याज भन्दा १५ रुपैयाँ महँगो छ। भारतीय सुकेको प्याजको भाउ ८५ देखि ९० रुपैयाँ छ भने चिनियाँ सुकेको प्याजको भाउ ६० देखि ६५ रुपैयाँ छ।

                                      विस्तृतमा हेर्नुहोस्