काठमाडौं- नेपाली ठूलो गोलभेँडाको न्यूनतम बिक्री मूल्य प्रतिकिलो ४० रुपैयाँ छ।  कालिमाली फलफूल तथा तरकारी विकास समितिले निर्धारण गरेको बिहीबारको मूल्यसूची अनुसार ठूलो गोलभेँडाको अधिकतम बिक्रीमूल्य ५० रूपैयाँ प्रतिकिलो कायम गरिएको छ । 

भारतीय गोलभेँडाको आजको बिक्री मूल्य न्यूनतम ५० र अधिकतम ६० रुपैयाँ प्रतिकिलो छ। सानो स्थानीय गोलभेँडा भने निकै नै सस्तो छ। स्थानीय सानो गोलभेँडाको बिक्री मूल्य न्यूनतम १० रुपैयाँ प्रतिकिलो र अधिकतम १५ रुपैयाँ छ।

टनेलको गोलभेँडा सानोको तुलनामा किलोमा ५ रुपैयाँ महँगो छ। टनेलको सानो गोलभेँडाको बिक्री मूल्य न्यूनतम १५ र अधिकतम २० रुपैयाँ प्रतिकिलो छ। तराईको सानो गोलभेँडाको न्यूनतम मूल्य प्रतिकिलो २० र अधिकतम २५ रुपैयाँ छ। रातो आलुको न्यूनतम मूल्य किलोको ३३ र अधिकतम ३५ रुपैयाँ छ।

भारतीय रातो आलु केही सस्तो छ। भारतीय रातो आलुको न्यूनतम मूल्य २९ रुपैयाँ र अधिकतम ३१ रुपैयाँ प्रतिकिलो छ। भारतीय सुकेको प्याजको आजको मूल्य न्यूनतम प्रतिकिलो ८० र अधिकतम ८५ कायम भएको छ । 
                                                  

                             विस्तृतमा हेर्नुहोस्