काठमाडौं– सरल सेलरस क्रेडिट एडभाइजरी प्रालिको आयोजनामा ‘सेकेन्ड ह्यान्ड अटोमोबाइल कार्निभल काठमाडौंको भृकुटीमण्डमा प्रारम्भ भएको छ ।

हिजो देखि शुरु भएको सो कार्निभल आगामी बैशख ८ गते सम्म चल्ने छ । उक्त शोमा सवारी साधन, पार्टपूर्जा, वित्तीय सेवा एबं अन्य सम्बन्धित सरोकारवाला संघ संस्थाहरूको भव्य प्रदर्शनी हुने आयोजकले जनाएको छ । सेकेन्ड ह्यान्ड भनिए पनि उक्त शोमा विभिन्न ब्रान्डले नयाँ सवारी साधन समेत राखेका छन् ।

कार्यक्रमका संयोजक चक्र खड्काका अनुसार उक्त शोमा विभिन्न अटोमोबाइल ब्राण्ड र रिकन्डिसन व्यवसायीले सहभागिता जनाएका छन् । प्रदर्शनीमा ठूला तथा साना गरी ३२ वटा स्टल र ब्लकहरू रहने उनले जनाकारी गराए । प्रर्दशनीमा प्रख्यात अन्तर्राष्ट्रिय ब्राण्डका सवारी साधन, लुब्रिकेन्ट, टायर, पार्ट–पूर्जाका साथै राष्ट्रिय ब्राण्डका अटो सामग्री उत्पादक एवं वस्तु तथा सेवा प्रदायकहरूको सहभागिता समेत रहनेछ ।

चार दिनसम्म चल्ने उक्त मेलालाई ५० हजार जनाले अवलोकन गर्ने विश्वास आयोजकको छ ।