काठमाडौँ - पूर्वअर्थमन्त्री युवराज खतिवडाले बिहीबार नेपाल चार्टर्ड एकाउण्टेन्ट्स संघ (एक्यान) ले काठमाडौंमा आयोजना गरेको वर्तमान आर्थिक संकट र अबको सम्भावना विषयमा राष्ट्रिय सम्मेलनमा बोल्दै बैंकहरुलाई माइक्रोफाइनान्सबाट बाहिरिएर एसएमई कर्जा बिस्तारमा जान सुझाव दिएका छन् । 

पूर्वअर्थमन्त्री खतिवडाले बैंकहरुबाट दुई सय वटा व्यवसायीहरूलाई मात्रै कर्जा थप गर्दै लगेको बताए । उनले बैंकहरुले २ सय उद्योगी व्यवसायीहरू माथि कर्जा थप्दै जाने तर कर्जाको पहुँच सबै व्यवसायीमा पुगेन भनेर कहिल्यै गन्तव्यमा नपुगिने बताए । उनले १२ लाख नागरिक गरिबीको रेखामुनी रहेको भन्दै २२ लाखलाई नेट गरी ३० लाख मानिसहरूलाई पैसा दिएको बताए । पूर्वअर्थमन्त्री खतिवडाले माइक्रोफाइनान्स संस्थाले ल्याएका सदस्यहरूलाई आफूतिर तान्न भिडभाड गरेर मात्रै सबै व्यवसायीहरूको पहुँचमा कर्जा पुग्न नसक्ने बताए ।

उनले बैंकहरुलाई कोल्याट्रलबेस फाइनान्सिङमा जान समेत आग्रह गरे । उनले  आगामी आर्थिक वर्षको मौद्रिक नीतिले पनि त्यसलाई राष्ट्र बैंकले सम्बोधन गर्नुपर्ने बताए । उनले बैंकलाई राष्ट्र बैंकले ५ प्रतिशत पुर्‍याउनै पर्ने स्ट्रेस पनि नदिन नहुने बताए । उनले बैंकहरुलाई आफैँ प्रोजेक्ट खोजेर लगानी गर्न समेत आग्रह गरे । पूर्वअर्थमन्त्री खतिवडाले कुनै प्रोजेक्ट डेभलप गर्नेमा नाफाको १ प्रतिशत भएपनि खर्च बैंकहरुले गर्न आवश्यक रहेको बताए । उनले प्रोजेक्टबेस फाइनान्सिङमा बैंकहरुको थप काम चाहिने बताए ।