काठमाडौँ-  राष्ट्रिय वाणिज्य बैंकको प्रमुख कार्यकारी अधिकृत सिइओ बन्नका लागि डेढ दर्जन बढीको आवेदन परेको छ ।

बैंकले गत बैशाख ७ गतेदेखि सिइओका लागि आवेदन खुला गरेको थियो । बैंकले २१ दिने म्याद राखेर दरखास्त खुलाएको थियो । दरखास्त दिने अन्तिम दिनसम्म २० जनाले आवेदन दिएका हुन् ।बैंकको सिइओ पदका लागि पहिलो आवेदन रामदेव यादवले दिएका छन् । उनले बैशाख २३ गते आइतबार सिइओका लागि आवेदन दिएका हुन् । हिजो अर्थात् बैशाख २६ गते बुधवार तीन जना अगम मुखिया, दुर्गा कुमारी कंडेल, र नरेश राज अर्यालले आवेदन दिएका थिए ।