काठमाडौं– आज शुक्रवार ८(नोभेम्बर २०२४), कार्तिक शुक्लपक्ष सप्तमी तिथि, १९ः५८ बजेपछि अष्टमी। उत्तराषाढा नक्षत्र, ९ः३० बजेपछि श्रवण। चन्द्रराशि मकर। तदनुसार आजको राशीफल यसप्रकार रहेको छः

मेष राशी भएकाहरुको आज प्रणयसम्बन्ध बढ्ने समय रहेको छ। लगनशीलताले कामहरू अगाडि बढ्नेछन्। नयाँ र शुभकार्यको चर्चा पनि चल्नेछ।

वृष राशी भएकाहरुकोे आज विशिष्ट व्यक्तिको साथ र सहयोग पाइने योग छ। आँटेको र ताकेको कार्य पुरा होला । पार्टनरसिपको कार्यमा सफलता मिल्नेछ।

मिथुन राशी भएकाहरुलाई आज चोटपटकको भय छ सचेत रहनुहोला। स्वास्थ्यमा समस्या आउला अतः स्वास्थ्य प्रति सजगता अपनाउनु पर्नेछ।

कर्कट राशी भएकाहरुको आज नयाँ कार्यको थालनी हुनेछ । पढाइ लेखाइमा प्रगति हुनेछ। रमाइलो यात्राको योग रहेको छ। दिनको उत्तरार्ध बढी सुखद् रहनेछ।

सिंह राशी भएकाहरुलाई आज आदर्श व्यक्तित्व सँगको सहकार्यले नयाँ अनुभव मिल्नेछ। प्रयत्न गरे बढी फाइदा लिन सकिनेछ । पारिवारिक सुख पनि मिल्नेछ।

कन्या राशी भएकाहरुको आज अधुरो कामको थालनी हुनसक्छ। अरुलाई प्रभावित पारेर काम बन्नेछ । प्राविधिक र वैदेशिक क्षेत्रमा सफलता मिल्नेछ।

तुला राशी भएकाहरु आज झुट बोल्न बाध्य भइनेछ। अधिकार प्राप्तिका लागि संघर्ष गर्नु पर्ला। चञ्चलता र छटपटी बढ्नाले मन कमजोर रहला।

वृश्चिक राशी भएकाहरुको आज आँटेको र ताकेको कार्य पुरा होला।  साहित्यिक क्षेत्रमा रुचि बढ्नेछ। विशिष्ट व्यक्तिको सहयोग पाइनेछ। व्यापारमा सफलता मिल्नेछ।

धनु राशी भएकाहरुको आज दैनिक कार्यमा प्रगति हुनेछ। धार्मिक तथा समाजसेवामा मन लाग्नेछ। लगनशीलताले कामहरू अगाडि बढ्नेछन्।

मकर राशी भएकाहरुलाई महिला वा मित्रबाट विशेष सहयोग मिल्नेछ। स्वादिष्ट भोजन पाइनेछ। वैदेशिक क्षेत्रको काम अघि बढ्नेछ। कुटुम्बको सहयोग मिल्नेछ।

कुम्भ राशी भएकाहरुलाई झन्झटिलो काममा संलग्न हुनुपर्ने समय छ। आफूलाई कमजोर भएको अनुभूति हुनेछ। नजिकका व्यक्तिबाट धोका हुने र अवसर गुम्न सक्नेछ।

मीन राशी भएकाहरुको आज रोकिएका अधुरा कामहरू पुरा हुनेछन्। मङ्गल कार्यको योजना बन्ने योग छ। चिन्ता छाडेर मनन चिन्तन गर्ने समय छ।