काठमाडौं - नेपाल राष्ट्र बैंकका कार्यकारी निर्देशक देवकुमार ढकालको अवकाश भएको छ । बिहीबारदेखि लागू हुनेगरी उनी अनिवार्य अवकाशमा गएका हुन् ।

नेपाल राष्ट्र बैङ्कमा तीस वर्षे सेवा अवधि र ५८ वर्ष उमेर हद अनुसार अनिवार्य अवकाशको व्यवस्था छ । त्यस्तै, प्रथम श्रेणीका कर्मचारीदेखि माथिल्लो पदका लागि सेवा अवधिका आधारमा समेत अवकाशको व्यवस्था छ । जसअनुसार निर्देशक तहका लागि १२ वर्ष र कार्यकारी निर्देशक तहका लागि ७ वर्षको उमेर हद तोकिएको छ ।

ढकाल भने उमेर हदका कारण आजदेखि अवकाश पाएको राष्ट्र बैंकले जनाएको छ  । अवकाशको एक महिना अघिदेखि बिदा बस्ने व्यवस्था अनुसार उनी एक महिनाअघि देखि नै जिम्मेवारीबाट अलग भएका थिए ।

राष्ट्र बैङ्कमा रहँदा उनले नियमन, सुपरिवेक्षण, भुक्तानी प्रणाली लगायत महत्त्वपूर्ण विभागका साथै प्रवक्ताको जिम्मेवारी समेत सम्हालेका थिए ।