काठमाडौं– नेपाली उपभोक्ताहरूका लागि HONOR Pad X9a अब नेपाली बजारमा उपलब्ध भएको छ।

स्टाइलिश डिजाइन, दमदार फिचर र शक्तिशाली प्रदर्शनसहितको यो ट्याब्लेट काम, अध्ययन तथा मनोरञ्जनका लागि एकैसाथ उपयोगी सावित हुने कम्पनीको दाबी छ।

यो ट्याब्लेटमा ११.५ इन्चको ठूलो HONOR FullView Display र पातलो मेटल बडी दिइएको छ भने यसको फिचरहरूलाई अझ सशक्त बनाउने Snapdragon 685 (6nm) चिप र नवीनतम MagicOS 9.0 प्रयोग गरिएको छ, जसले गर्दा प्रयोग अनुभव झन् स्मूद हुने बताइएको छ।

यसमा रहेको ८३०० mAh ब्याट्री र ३५W फास्ट चार्जिङ सुविधाले लामो समयसम्म पढाइ, फिल्म हेर्ने, गेम खेल्ने वा अफिसको काम जे–जे गर्नुपरे पनि प्रयोग गर्न सकिने क्षमता प्रदान गर्छ ।

विद्यार्थी, मल्टिटास्कर र कन्टेन्ट उपभोगकर्ता सबैका लागि उपयुक्त मानिएको HONOR Pad X9a हाल रु २५,९९९ मा उपलब्ध छ।

इच्छुक ग्राहकहरूले EFIX स्टोरहरू वा अधिकृत मोबाइल विक्रेता पसलहरूबाट किन्न सक्नेछन्।