काठमाडौं- शिखर पावर डेभलपमेन्ट लिमिटेडले वैदेशिक रोजगारीमा रहिरहेका नेपाली नागरिकहरुको लागि निष्कासन गरेको आईपीओ बाँडफाँट गरेको छ ।

बिक्री प्रबन्धक ग्लोबल आइएमई क्यापिटलको कार्यालयमा बिहीबार बिहान आईपीओ बाँडफाँट सम्पन्न भएको हो ।

जसमा २२ हजार दुई सय जनाले १० कित्ताका दरले दुई लाख २२ हजार कित्ता सेयर पाएका छन् । कम्पनीले वैदेशिक रोजगारका लागि निष्कासन गरेको आईपीओमा ७१ हजार ५७७ जनाले १० लाख पाँच हजार कित्ताको लागि आवेदन दिएका थिए ।

कम्पनीको आईपीओको नतिजा सीडीएस र बिक्री प्रबन्धको वेबसाइटबाट हेर्न सकिनेछ ।