चितवन- नेकपा संयुक्त चितवन क्षेत्र नम्बर ३ का उम्मेदवार जित बहादुर सुनार नेपाली कम्युनिष्ट पार्टी (नेकपा)मा प्रवेश गरेका छन् ।

शुक्रबार भरतपुरमा भएका एक कार्यक्रमका बीच नेकपा (संयुक्त) परित्याग गरी सुनार नेकपामा प्रवेश गरेका हुन् । सुनारलाई नेपाली कम्युनिष्ट पार्टीका नेता तथा चितवन निर्वाचन क्षेत्र नम्बर ३ का चुनावी कमाण्डर ईश्वरी भट्टराईले टिका तथा खादा लगाएर स्वागत गरेका थिए ।पार्टी प्रवेश गर्दै सुनारले कम्युनिष्ट आन्दोलनको एकीकरण र विकास प्रेमी रेनु दाहालको विजयी यात्रामा सहयोग पुर्याउन आफूले उम्मेदवारी फिर्ता लिई ने

पाली कम्युनिष्ट पार्टीमा प्रवेश गरेको बताउँदै आजैबाट तारा चुनाव चिन्हमा मत माग्दै रेनु दाहाल जिताउने अभियानमा दृढताका साथ लाग्ने बताए । नेकपा संयुक्तका अन्य साथीहरूलाई पनि प्रवेश गराउँदै जाने उनले बताए ।

सो अवसरमा चितवन क्षेत्र नम्बर ३ का सशक्त उम्मेदवार रेनु दाहालले प्रत्यासी उम्मेदवार सुनारले आफ्नो उम्मेदवारी फिर्ता लिँदै सहयोग गर्नुभएकोमा धन्यवाद दिदै नपाली कम्युनिष्ट पार्टीमा स्वागत गरिन् ।

पार्टी प्रवेश कार्यक्रममा नेपाली कम्युनिष्ट पार्टीका नेता तथा निर्वाचन क्षेत्र नम्बर ३ का ईन्चार्ज इश्वरी भट्टराई, चितवन जिल्ला ईन्चार्ज घनश्याम दाहाल, जिल्ला संयोजक रामचन्द्र अधिकारी लगायतका नेताहरूको उपस्थिती रहेको थियो ।

सुनारको उम्मेदवारी फिर्ता र पार्टीमा समाहित भएसँगै चितवन क्षेत्र न ३ मा विकास प्रेमी उम्मेदवार रेनु दाहाल बलियो बन्दै गएकी छिन्  ।