काठमाडौं- गुणस्तरीय तथा सबैका लागि पहुँचयोग्य आँखा स्वास्थ्य सेवाप्रति आफ्नो प्रतिबद्धतालाई निरन्तरता दिँदै भिजन कन्सर्न आई क्लिनिक एण्ड अप्टिकल ले काठमाडौं महानगरपालिका–६, बौद्ध महान्कालस्थित सक्रिय आमा समूह द्वारा २०८३ साल असार २७ गते (१२ जुलाई २०२६) आयोजित निःशुल्क सामुदायिक आँखा परीक्षण शिविर मा प्राविधिक सहयोग प्रदान गर्दै सफलतापूर्वक सेवा सञ्चालन गरेको छ ।

एकदिने उक्त शिविरबाट २५६ जना स्थानीय बासिन्दा लाभान्वित भएका छन् । शिविरमा सहभागीहरूले अनुभवी अप्टोमेट्रिस्टहरूको टोलीबाट विस्तृत आँखा परीक्षण, दृष्टि परीक्षण तथा आँखा स्वास्थ्य सम्बन्धी विशेषज्ञ परामर्श प्राप्त गरेका थिए । यस कार्यक्रमले समुदायका सबै वर्गसम्म गुणस्तरीय आँखा स्वास्थ्य सेवा पु¥याउने क्लिनिकको उद्देश्यलाई थप सशक्त बनाएको छ ।

कार्यक्रमको शुभारम्भ ९५ वर्षीय ज्येष्ठ नागरिकहरू को आँखा परीक्षणबाट गरिएको थियो, जसले स्वस्थ दृष्टिको संरक्षण तथा स्वस्थ बुढ्यौली प्रवद्र्धनको सन्देश दिएको थियो ।

कार्यक्रम सम्पन्न भएपछि आयोजक सक्रिय आमा समूह का प्रतिनिधिहरूले भिजन कन्सर्न आई क्लिनिक एण्ड अप्टिकललाई प्रदान गरेको प्राविधिक विशेषज्ञता, समर्पित सेवा तथा सहकार्यका लागि हार्दिक धन्यवाद व्यक्त गरेका छन् । साथै, शिविरलाई सफल बनाउन योगदान पुर्याउने सम्पूर्ण स्वास्थ्यकर्मी, स्वयंसेवक तथा स्थानीय समुदायप्रति पनि आयोजकले आभार व्यक्त गरेका छन् ।

भिजन कन्सर्न आई क्लिनिकले यस्ता नियमित सामुदायिक स्वास्थ्य कार्यक्रममार्फत समयमै आँखा परीक्षण गर्ने बानीको विकास, आँखा रोगको प्रारम्भिक पहिचान तथा रोकथाममूलक आँखा स्वास्थ्य सेवाबारे जनचेतना अभिवृद्धि गर्दै आएको छ । विशेषगरी ज्येष्ठ नागरिक, आर्थिक रूपमा विपन्न तथा नियमित स्वास्थ्य सेवाबाट टाढा रहेका समुदायका लागि यस्ता शिविरहरू अत्यन्त उपयोगी हुने विश्वास क्लिनिकले लिएको छ ।

काठमाडौंका विश्वासिला आँखा स्वास्थ्य सेवा प्रदायकमध्ये एक भिजन कन्सर्न आई क्लिनिक एण्ड अप्टिकल ले आधुनिक उपकरण तथा अन्तर्राष्ट्रिय मापदण्डअनुसार सम्पूर्ण आँखा परीक्षण, चस्मा सेवा, कन्ट्याक्ट लेन्स फिटिङ, ड्राइ आइ व्यवस्थापन तथा व्यक्तिगत आवश्यकताअनुसारका अप्टिकल समाधानहरू उपलब्ध गराउँदै आएको छ ।

भिजन कन्सर्न आई क्लिनिक एण्ड अप्टिकलबारे

भिजन कन्सर्न आई क्लिनिक एण्ड अप्टिकल काठमाडौंमा विश्वसनीय, गुणस्तरीय, किफायती तथा अन्तर्राष्ट्रिय स्तरको आँखा स्वास्थ्य सेवा प्रदान गर्न प्रतिबद्ध संस्था हो । अनुभवी अप्टोमेट्रिस्टहरूको टोली, आधुनिक निदान प्रविधि, गुणस्तरीय तथा आधिकारिक अप्टिकल सामग्री, र समुदायमुखी सेवाका माध्यमबाट क्लिनिकले स्थानीय बासिन्दा, विदेशी नागरिक तथा अन्तर्राष्ट्रिय आगन्तुकहरूको विश्वास निरन्तर जित्दै आएको छ ।