काठमाडौं- विश्वव्यापी अर्थतन्त्रमा प्रविधिको महत्व तीव्र रूपमा बढिरहेका बेला, टेकपाइला इनोभेसन्स (TechPaaila Innovations) ले कौशल इंलिस हाई स्कूलमा "Explore your AI career in plus two!" (प्लस टु मा आफ्नो एआई करियर खोज्नुहोस्) नामक एक दिने विशेष शैक्षिक सेमिनार सफलतापूर्वक सम्पन्न गरेको छ।

यो कार्यक्रम प्लस टु (+२) का विद्यार्थीहरूलाई आर्टिफिसियल इन्टेलिजेन्स (AI) र साइबर सुरक्षाको क्षेत्रमा उपलब्ध विश्वव्यापी करियर, व्यावसायिक प्रमाणपत्र (Certifications), आवश्यक सीपहरू र रोजगारीका अवसरहरूबारे जानकारी दिई शैक्षिक शिक्षा र औद्योगिक क्षमताबीचको खाडललाई कम गर्ने उद्देश्यले आयोजना गरिएको थियो।

एआईको भविष्य र "स्किल-फर्स्ट" अवधारणा
कार्यक्रमको मुख्य प्रस्तुति टेकपाइला इनोभेसन्सका एसोसिएट डाइरेक्टर एवं वन कभर प्राइभेट लिमिटेडका संस्थापक सीईओ चिरञ्जीवी अधिकारीले गर्नुभएको थियो। दुई दशकभन्दा लामो सूचना प्रविधि क्षेत्रको अनुभव बोक्नुभएका नीतिगत अधिवक्ता अधिकारीले "स्किल-फर्स्ट" (सीपलाई पहिलो प्राथमिकता) को अवधारणामा जोड दिनुभयो।

विद्यार्थीहरूलाई सम्बोधन गर्दै अधिकारीले एआई क्षेत्रमा उपलब्ध व्यावहारिक कार्यक्रमहरू र द्रुत रूपमा बढ्दै गइरहेका रोजगारीका अवसरहरूको रोडम्याप प्रस्तुत गर्नुभयो।

"भविष्य केवल सर्टिफिकेट हुनेहरूको मात्र होइन, बरु वास्तवमै योग्य र सीपयुक्त व्यक्तिहरूको हो। नेपाली युवाहरूले पाठ्यपुस्तकको सर्टिफिकेटमा मात्र सीमित नभई उद्योगले खोज्ने डिजिटल सीप विकास गरेर मात्र विश्वव्यापी प्रविधि बजारमा नेतृत्व लिन सक्छन्।"

लाइभ टेक्निकल डेमो: एआई र साइबर सुरक्षाको प्रत्यक्ष अभ्यास
सैद्धान्तिक ज्ञानका साथै टेकपाइला इनोभेसन्सको टोलीले कक्षाकोठामै प्रविधिको प्रत्यक्ष प्रयोग गरेर देखाएका थिए।

एआई र फिसिङ डेमो: टेकपाइला इनोभेसन्सका एकेडेमिक डिपार्टमेन्ट हेड स्वागत अर्याल तथा वन कभर प्राइभेट लिमिटेडका ईथिकल ह्याकरहरू प्रलिन बारामु र लोरिन रानाले एक गतिशील प्राविधिक प्रदर्शन प्रस्तुत गरे।

साइबर खतराको यथार्थ: प्राविधिक विज्ञहरूले एआईको प्रयोग र अत्याधुनिक फिसिङ (Phishing) आक्रमणहरू कसरी हुन्छन् र कसरी साइबर अपराधीहरूले डिजिटल कमजोरीहरूको फाइदा उठाउँछन् भन्ने कुरा प्रत्यक्ष डेमोमार्फत देखाए।

बचावटका उपाय: टोलीले आधुनिक साइबर खतराहरूबाट कसरी सुरक्षित रहने र आफ्नो परिवारलाई कसरी जोगाउने भन्ने व्यावहारिक उपायहरू सिकाए। उक्त तालिमको मुख्य नारा थियो: "शिक्षा र सचेतना नै सुरक्षाको पहिलो घेरा हो।"

विद्यालय नेतृत्वद्वारा दूरदर्शी पहलको प्रशंसा
उच्च माध्यमिक तहको पाठ्यक्रममा अत्याधुनिक प्रविधिलाई जोड्नुपर्ने आवश्यकतालाई आत्मसाथ गर्दै कौशल इंलिस हाई स्कूलको व्यवस्थापन पक्षले यस पहलको उच्च प्रशंसा गरेको छ। कार्यक्रममा पाहुनाहरूलाई स्वागत गर्दै भाइस प्रिन्सिपल भरत प्रसाद भण्डारीले टेकपाइला इनोभेसन्सको टोलीलाई धन्यवाद दिँदै आफ्नो विद्यालयमा "स्किल-फर्स्ट" अवधारणा ल्याएकोमा खुसी व्यक्त गर्नुभयो।

कार्यक्रमको समापन गर्दै कौशल इंलिस हाई स्कूलका प्रिन्सिपल शिव प्रसाद अर्यालले यस सेसनको दीर्घकालीन प्रभावबारे प्रकाश पार्नुभयो:"हाम्रा प्लस टु का विद्यार्थीहरूमा एआई र साइबर सुरक्षाको प्रारम्भिक अवलम्बनले उनीहरूको भविष्यको लागि एउटा बलियो जग निर्माण गर्नेछ। यो एक्सपोजरले उनीहरूलाई प्रविधि क्षेत्रमा एक सफल करियर बनाउन आत्मविश्वास र स्पष्ट मार्ग प्रदान गर्नेछ।"

विश्व बजारमा "ब्रान्ड नेपाल" लाई स्थापित गर्ने टेकपाइला इनोभेसन्सको महाअभियानमा विद्यालय स्तरको यो कार्यक्रम नयाँ पुस्ताका डिजिटल डिफेन्डर र एआई आविष्कारकहरू उत्पादन गर्ने दिशातर्फ एक महत्त्वपूर्ण कदम सावित भएको छ।