काठमाडौं- नेपाली कांग्रेसका सभापति गगन थापाले राजनीतिलाई सत्ता र शक्तिको संकुचित घेराबाट बाहिर निकालेर जनसेवाको प्रभावकारी माध्यम बनाउनुपर्ने बताएका छन्।

शनिबार सानेपामा आयोजित ‘विपद पूर्वतयारी तथा प्रतिकार्य प्रशिक्षण’ कार्यक्रमको उद्घाटन गर्दै उनले राजनीति नागरिक र मानव सेवाको सबैभन्दा ठूलो माध्यम भएको उल्लेख गर्दै सत्ता र शक्तिलाई लक्ष्य होइन, जनसेवाको साधन बनाउनुपर्ने धारणा राखे।

थापाले कांग्रेसको स्थापना नागरिक सेवाको भावनाबाट भएको स्मरण गराउँदै बदलिँदो परिस्थितिमा पार्टीले संगठनात्मक सुदृढीकरणसँगै वैचारिक र सामाजिक गतिविधिलाई पनि सँगसँगै अघि बढाउनुपर्ने बताए।