काठमाण्डौ - यातायात व्यवस्था कार्यालयले सेवाप्रवाहलाई छिटोछरितो बनाएपछि अघिल्लो वर्षको तुलनामा राजस्व करिब रु. ५० लाख बढेको बताइएको छ । आर्थिक वर्ष २०८२र८३ मा रु. १ करोड ९४ लाख ४४ हजार राजस्व संकलन गरेको छ। यो रकम अघिल्लो आर्थिक वर्ष २०८१र८२ को तुलनामा कार्यालयका अनुसार चालक अनुमतिपत्र तथा सवारीसाधनको सङ्ख्यामा भएको वृद्धि र सेवाप्रवाहलाई छिटोछरितो बनाइएकाले राजस्व संकलनमा उल्लेख्य वृद्धि भएको हो।

गत आर्थिक वर्षमा पकेट तथा रुट परमिटबापत रु. १८ लाख ८८ हजार, सवारी दर्ता किताब दस्तुरबापत रु. ६४ लाख ९२ हजार र अग्रिम आयकरबापत रु. ६ लाख ६८ हजार राजस्व संकलन भएको छ। 

कार्यालयले गत आवमा विभिन्न वर्गअन्तर्गत कुल ६२० वटा चालक अनुमतिपत्र वितरण गरेको जनाएको छ। जसअनुसार मोटरसाइकल, स्कुटर तथा मोपेड वर्ग (ए) अन्तर्गत १८८ वटा, कार, जिप तथा डेलिभरी भ्यान वर्ग (बी) अन्तर्गत ३८ वटा तथा चालक अनुमतिपत्रको प्रतिलिपि र नवीकरणतर्फ ३९४ वटा अनुमतिपत्र वितरण गरिएको छ।