अभिनय करियरलाई एक चम्किलो दुनिया मान्ने गरिन्छ । यसमा नाम कमाउनेहरु विश्वमा चिनिने गर्दछन् । भारतीय फिल्म दुनियामा जति उच्च नाम बनाउने छन् नियालेर हेर्ने हो भने त्यतिकै संख्यामा डुबेको पनि भेट्न सकिन्छ । भारतीय फिल्म उद्योगमा केही अभिनेत्री यस्ता पनि छन् । जो एक समय चर्चामा रहन सफल थिए । तर, उनीहरुको पछिल्लो अवस्था दुःखद रहन पुग्यो ।
मिताली शर्मा
एक समय मिताली शर्मा बलिउडको चर्चित नाम थियो । मोडलिङ क्वीन भनेर चिनिएकी मितालीले कयौ बलिउड फिल्ममा पनि काम गरेकी छिन् । पछिल्लो समय कामको अभावमा उनी फिल्मक्षेत्र भन्दा बाहिर डिप्रेसनमा रहेको बताइन्छ । समाचारलाई आधार मान्ने हो भने केही समय पहिले उनी भिख माग्दै गरेको अवस्थामा पनि देखिएकी थिइन् ।
गीतान्जली नागपाल
भोजपुरी फिल्मको सुपरस्टार समेत रहेकी गीतान्जली नागपालले बलिउडका केही फिल्म समेत अभिनय गरेकी छिन् । तर ड्रक्सको चपेटाको कारण उनले जीवन अन्धकार तिर धकेलिन् । उनलाई अहिले मुम्बइको केही स्थिानमा भिख माग्दै गरेको देख्न सकिन्छ ।
परवीन बोबी
७० को दशककी सबैभन्दा सुन्दर अभिनेत्री परवीन बोबी एक समय पुरै भारतीयको दिलमा बस्न सफल थिइन् । उनी पछिल्लो समय दयनीय अवस्थामा पुगेकी थिइन् । उनको साथ नातागोता र परिवारका सदस्यले समेत छोडेका थिए ।
नीशा नूर
साउथ फिल्मको ८० को दशककी हिट अभिनेत्री थिइन् नीशा नूर । उनले साउथका धेरै स्टारसँग काम गरेकी छन् । अभिनयमा सफलता मिलेपनि उनको निजी जिन्दगी भने दुःखद रह्यो । २००७ मा मृत्य भएको नीशालाई एड्स समेत भएको पाइएको थियो ।
विमी
अभिनेत्री विमीले १९६८मा ‘आबरु’ फिल्मबाट अभिनय करियर सुरु गरेकी थिइन् । सुनील दत्तको साथ फिल्म हमराजमा उनलाई निकै मनपराइयो । तर सफलता धेरै दिन टिक्न सकेन । उनको निजी जीवन पनि उतार चढावपूर्ण र्हयो । सबैथोक सकिएर पछि उनको १९७७ मा निधन भएको थियो ।
प्रतिक्रिया