सामाजिक सञ्जाल फेसबुकमा अभिनेता सुशीलले लेखेका छन्, ‘म कुनै फिल्मी परिवारबाट आएको होइन र मलाई फिल्मी परिवारबाट आउने कलाकारहरुसँग केही ईर्ष्या पनि छैन । नेपाली फिल्म क्षेत्र भर्खरै त पाइला टेक्दै छ, हुकिँदै छ अघि बढ्दै छ। ‘नेपोटिज्म’ कताबाट आयो अहिले नै रु फिल्मी परिवारबाट आएको कलाकारहरु पनि कति चलेका छन् र कति चलेका छैनन् ।’ 
 
फिल्मी परिवारबाट आएका कति कलाकारहरु आफ्नो प्रतिभाले नेपाली फिल्ममा राम्रो स्थान हासिल गरेको उल्लेख गर्दै उनले कतिपय अहिलेसम्म मेहेनत गर्दै अगाडि बढिरहेको बताएका छन् । उनी थप्छन्, ‘हामी नेपालमा अहिले नै यस्तो ‘नेपोटिज्म’ को कुरा नगरौं जस्तो लाग्छ । बरु आफू मेहेनत गर्दै गरौं । अगाडि बढ्दै गरौं । यही हार नै तपाईंको जितको सुरुवात हुनेछ ।’

आफूसँगै धेरै कलाकारहरु फिल्मी परिवारबाट नभए पनि नेपाली फिल्ममा राम्रो स्थानमा पुगेको बताउँदै उनले आफ्नो पक्षबाट मात्र नसोच्न पनि आग्रह गरेका छन् । ‘हामी जहिले सोच्दा आफ्नो ‘पोइन्ट अफ भ्यू’ बाट सोच्छौं, कहिले काहिँ फिल्मी परिवारबाट आउने कलाकारहरुको ‘पोइन्ट अफ भ्यू’ बाट पनि सोचौं । उनीहरुले पनि त मेहनत गरेकै हुन्छन’, उनले भनेका छन् ।