कंगनाको अफिसमा बीएमसीले चलायो डोजर

भदौ २४, २०७७ | आजको अर्थ
ajaako_artha

अभिनेत्री कंगना रनावत मुम्बई पुग्नुभन्दा अगाडि नै मुम्बई नगर निगम (बीएमसी) ले उनको अफिसमा डोजर चलाएको छ । उनको मुम्बईस्थित अफिसमा अवैध निर्माणलाई लिएर बीएमसीले २४ घण्टामा दोस्रो नोटिस पठाएको थियो । यसको केही घण्टामा बीएमसीको एक टिमले डोजर र क्रेनसहित अफिस तोडफोड गरेको छ । कंगनाको अफिस बान्द्राको पाली हिलमा अवस्थित छ ।
 
कंगनाले बीएमसीले गरेको यो कारवाहीलाई लिएर लगातार ट्विट गरिरहेकी छन् । उनले यो एक अफिस नभएर राम मन्दिर रहेको बताएकी छन् । बीएमसीको कारवाहीको विरुद्धमा कंगनाका वकिलले बुधवार दिउँसो हाईकोर्टमा मुद्धा दर्ता गरेका छन् । कंगनाले आफू मुम्बई आउनुभन्दा अगाडि नै महाराष्ट्र सरकार र गुण्डाले आफ्नो अफिस भत्काउने काम गरेको आरोप लगाएकी छन् ।
 
४८ करोडमा निर्माण गरिएको आफ्नो अफिस तोडफोड गरिएपछि कंगनाले ट्विट गर्दै लेखेकी छन्, ‘मेरो घरमा कुनै अवैध निर्माण भएको छैन । कोभिडका कारण सरकारले पनि ३० सेप्टेम्बरसम्म तोडफोड गर्न रोक लगाएको छ ।’ बीएमसीले भने नोटिसका बावजूद पनि कंगनाले काम नरोकेपछि घर भत्काउन बाध्य भएको बताएको छ । कंगना दिउँसो २ बजे मुम्बई ओर्लिँदैछिन् ।
 
कंगनाले यो तीन तल्ले भवन केही वर्ष अगाडि खरिद गरेकी हुन् । यसमा ५६५ वर्गफिट पार्किङ एरिया अलगै छ । अफिसको इन्टिरियर डिजाइनर शबनम गुप्ताले डिजाइन गरेका हुन् । उनका अनुसार, बिल्डिङको हरेक झ्यालबाट हरियाली देख्न सकिन्छ । कंगनाको यो अफिस यूरोपियन स्टाइलबाट प्रेरित छ । हालसालै उनले अफिसको डिजाइन केही परिवर्तन गरेकी थिइन् ।

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar१२२.०३१२२.६३
European Euro१३१.६६१३२.३१
UK Pound Sterling१५०.८७१५१.६१
Swiss Franc१२५.०९१२५.७१
Australian Dollar७७.७८७८.१६
Canadian Dollar८६.९२८७.३५
Singapore Dollar८५.६५८६.०८