जया बच्चनमाथि खनिइन् कंगना

भदौ ३०, २०७७ | आजको अर्थ
ajaako_artha

 राज्यसभा सांसद तथा अभिनेत्री जया बच्चनले संसद् भवनमा केही मानिसका कारण सिंगो बलिउडको छविलाई दूषित गर्न नमिल्ने बताएपछि बलिउड अभिनेत्री कंगना रनावतले आक्रोश व्यक्त गरेकी छन् । उनले श्वेता र अभिषेक बच्चनको नाम लिँदै ट्विटरमा जयालाई सोधेकी छन्, ‘यदी मेरो ठाउँमा तपाईंकी छोरी हुन्थिन् र तपाईंको छोराले फाँसी लगाएको भए के यही भन्नुहुन्थ्यो ?’ 
 
कंगनाले लेखेकी छन्, ‘मेरो ठाउँमा तपाईंकी छोरी श्वेतामाथि हातपात हुन्थ्यो, ड्रग्स दिइएको हुन्थ्यो र शोषण गरिएको हुन्थ्यो भने के तपाईं यही भन्नुहुन्थ्यो ? अभिषेकले ह्यारेसमेन्टका कारण आत्महत्या गरेको भए तपाईं के गर्नुहुन्थ्यो ? थोरै त सहानुभूति देखाउनुहोस् ।’ सोमवार अभिनेता रवि किशनले संसद्मा बलिउडमा बढेको ड्रग्स प्रयोग र तस्करीको विषयमा बोलेका थिए । 
 
उनले भनेका थिए, ‘फिल्म इन्डस्ट्रीमा ड्रग्सको लत निकै छ । कयौं व्यक्ति पक्राउ परिसकेका छन् । एनसीबी एकदमै राम्रो काम गरिरहेको छ । म केन्द्र सरकारसँग अपिल गर्छु कि यसमा कडा कारवाही होस् र दोषीलाई सजाय होस् ।’ उनको बयानप्रति लक्षित गर्दै मंगलवार संसद् भवनमा अभिनेत्री जया बच्चनले जुन थालमा खायो सोही थालमा थुक्नु लाजमर्दो रहेको बताएकी थिइन् ।

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar१२२.०३१२२.६३
European Euro१३१.६६१३२.३१
UK Pound Sterling१५०.८७१५१.६१
Swiss Franc१२५.०९१२५.७१
Australian Dollar७७.७८७८.१६
Canadian Dollar८६.९२८७.३५
Singapore Dollar८५.६५८६.०८