‘ए मेरो हजुर ३’ को यूट्युबमा नयाँ रेकर्ड

मंसिर १०, २०७७ | आजको अर्थ
ajaako_artha

सिनेमा हलमा सानदार कमाई गरेको यो फिल्मले तीन हप्तादेखि नेपालको यूट्युब ट्रेन्डिङ कब्जा गरेर बसेको छ । घरेलु बक्सअफिसमा ९ करोड ग्रस कलेक्सन गरेको फिल्मले यूट्युबमा पनि दर्शकको उल्लेख्य साथ पाएको छ । यूट्युब रिलिजको २० दिनमा एक करोड भ्यूज प्राप्त गर्दै ‘ए मेरो हजुर ३’ सबैभन्दा कम समयमा करोड पटक हेरिने पहिलो नेपाली फिल्म बनेको छ । 
 
एक करोड भ्यूज प्राप्त गर्दा फिल्मलाई तीन लाखभन्दा बढी लाइक्स मिलेको छ भने वीस हजारभन्दा बढीले फिल्म हेरेर प्रतिक्रिया जनाएका छन् । कमेन्ट बक्स निहाल्ने हो भने प्रायःले अभिनेत्री सुहाना थापाको डाइलग डेलिभरी, अभिनय, सुन्दरता र एक्सप्रेसनको मुक्तकण्ठले प्रशंसा गरेका छन् । दर्शकहरुले अनमोलसँग सुहानाको जोडीलाई पनि निकै मन पराएका छन् । 
 
दुई हप्ता नेपालको यूट्युब ट्रेन्डिङको पहिलो नम्बर कब्जा गरेको ‘ए मेरो हजुर ३’ लाई झरना थापाले निर्देशन गरेकी हुन् । सुनिल कुमार थापाको निर्माण रहेको फिल्ममा अनमोल र सुहानाका अलावा सलोन बस्नेत, अर्पण थापा, सरोज खनाल, रविन्द्र झा, रुपा घिसिङ, रक्षा गौतमलगायतको अभिनय रहेको छ । दशैंदेखि ‘ए मेरो हजुर’ सिरिजको चौथौं श्रृंखलाको छायांकन भइरहेको छ ।

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar१२२.०३१२२.६३
European Euro१३१.६६१३२.३१
UK Pound Sterling१५०.८७१५१.६१
Swiss Franc१२५.०९१२५.७१
Australian Dollar७७.७८७८.१६
Canadian Dollar८६.९२८७.३५
Singapore Dollar८५.६५८६.०८