इटालीयन सिरि ए अन्तर्रगत हिजो राती भएको खेलमा युभेन्टसले सानदार जित निकालेको छ । मंगलबार राती युभेन्टसकै खेल मैदानमा भएको खेलमा युभेन्टसले स्पेजियालाई ३–० गोल अन्तरले पराजित गरेको हो ।
युभेन्टसका लागी अल्भारो मोराटा, फेडरिको चिइसा र क्रिस्टियानो रोनाल्डोले एक एक गोल गरे ।पहिलो हाफ गोलरहित बराबरीमा रोकिएको युभेन्टसले ६२ औं मिनेटमा मोराटाले गोल गरेसंगै अग्रता बनाएको थियो ।
दोस्रो हाफको ७१ औं मिनेटमा फेडरिकोले गोल गर्दै युभेन्टसले २–० को अग्रता कायम गर्यो । यस्तै खेलको ८९ औं मिनेटमा रोनाल्डाले गोल गर्दै युभेन्टसलाई ३–० को जित दिलाए ।
गोलसँगै सिजनको २० औं गोल पुरा गर्दै रोनाल्डोले युरोपको शीर्ष पाँच लिगमा लगातार १२ सिजन २० भन्दा बढी गोल गर्ने खेलाडीको कीर्तिमान बनाएका छन् ।
तेस्रो स्थानमा रहेको युभेन्टसको २४ खेलमा ४९ अंक रहेको छ भने स्पेजिया २५ अंक जोडेर १६ औं स्थानमा रहेको छ ।
प्रतिक्रिया