नेपाल टेलिकमका ९ कर्मचारी बर्खास्त भएका छन् ।टेलिकमले बिना सूचना कार्यालयमा अनुपस्थित भएका ९ जना कर्मचारीलाई सेवाबाट हटाएको हो । 

कारबाहीमा पर्नेमा टेलिकमका उपप्रबन्धक, वरिष्ठ इन्जिनियरदेखि सहायक प्राविधिक अधिकृतसम्मका ९ कर्मचारी सम्म रहेका छन्  । 

सेवाबाट हटाइएका कर्मचारीहरूमा उप प्रशासक सुरेशराज सिंह, वरिष्ठ इन्जिनियर कृष्णप्रसाद पौडेल, सुमन श्रेष्ठ, श्यामशरण वाग्ले, विनीता डंगोल र सरोज सापकोटा छन् ।त्यसैगरी लेखा अधिकृत सञ्जयकुमार सत्याल, इन्जिनियर सुजीव श्रेष्ठ र सहायक प्रशासकीय अधिकृत दीपेन्द्र कार्कीलाई पनि टेलिकमले बर्खास्त गरेको छ । 

सेवाबाट बर्खास्त गरिए पनि भविष्यमा कम्पनीको सेवाका लागि उनीहरू अयोग्य भने हुने छैनन् । 

टेलिकमले एक सुचना जारी गरी  सेवाबाट हटाइएका कर्मचारीलाई आ–आफ्नो नाममा रहेको रकम यथाशीघ्र फछ्र्योट गर्न भनेको छ । अन्यथा कानूनबमोजिम प्रक्रिया थाल्ने चेतावनी टेलिकमको छ ।