बढ्यो अलैंचीको भाउ, ४० हजार पुग्ने अनुमान

जेठ २७, २०७८ | आजको अर्थ
ajaako_artha

काठमाडौं - विगत केही वर्षदेखि अलैंचीको मूल्य यस वर्ष सिजन सुरु भएसँगै बजारमा निस्किएको अलैंचीले प्रतिमन २३ हजार रुपैयाँसम्म मूल्य पुगेको थियोे । 

कोरोना महामारीले मूल्य नपाउने डरले किसानले धमाधम अलैंची बिक्री गर्न थालेका थिए । तर, निषेधाज्ञा सुरु भएसँगै अलैंचीको भाउ ह्वात्तै बढ्यो । 

हिजोआज अलैंची ३५ हजार रुपैयाँसम्म कारोबार भइरहेको झापा बिर्तामोडका अलैंची निर्यातकर्ता ओमकृष्ण बिमलीले बताए । निषेधाज्ञायता अलैंचीको मूल्यमा प्रतिमन १२ हजार रुपैयाँ वृद्धि भएको छ ।

केही दिनभित्रै अलैंचीको मूल्य ४० हजार रुपैयाँसम्म पुग्ने व्यापारीको अनुमान छ । अहिले अन्तर्राष्ट्रिय बजारको मागलाई नेपाली उत्पादनले धान्न सकिरहेको छैन । भारतमा अलैंचीको फसल मरेकाले, नेपाली अलैंचीको माग बढेको र मूल्यमा वृद्धि भएको व्यापारीको भनाइ छ ।

चालू आर्थिक वर्षको १० महिनामा ६ अर्ब रुपैयाँबराबरको अलैंची निर्यात भएको व्यापार प्रवद्र्धन तथा निकासी केन्द्रको तथ्यांकले देखाउँछ । मूल्य वृद्धिलाई स्थिर राख्न सके यस वर्ष ७ अर्ब ५० करोड बढीको अलैंची निर्यात गर्न सकिने अलैंची व्यवसायी महासंघले जनाएको छ ।

व्यापार प्रवद्र्धन तथा निकासी केन्द्रका अनुसार अन्तर्राष्ट्रिय बजारमा माग बढ्दै गएकाले चालू आर्थिक वर्षको १० महिनासम्ममा ५ अर्ब ९९ करोड ११ लाख ३८ हजार बराबरको ७५ लाख ५० हजार ३ सय ९७ केजी अलैंची निर्यात भएको छ । 

जुन अघिल्लो वर्षको तुलनामा ७९ प्रतिशत बढी हो । अघिल्लो आवको १० महिनाको अवधिमा ३ अर्ब ३४ करोड २९ लाख ६२ हजारबराबरको ४१ लाख ६१ हजार ९ सय ३ केजी निर्यात भएको थियो । 

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar१२२.०३१२२.६३
European Euro१३१.६६१३२.३१
UK Pound Sterling१५०.८७१५१.६१
Swiss Franc१२५.०९१२५.७१
Australian Dollar७७.७८७८.१६
Canadian Dollar८६.९२८७.३५
Singapore Dollar८५.६५८६.०८