मेसीलाई सम्भावित चोटबाट बचाउन सब्सिच्युट गरिएको हो : पीएसजी प्रशिक्षक

असोज ४, २०७८ | आजको अर्थ
ajaako_artha

एजेन्सी - फ्रेन्च लिग वानमा लियोनल मेसी गोल गर्न सकेनन् । पहिलो हाफमा उनको प्रहार पोस्टमा लागेर फर्किएको थियो भने गोलकिपर एन्थोनी लोप्सले समेत राम्रो बचाउ गरेका थिए । 

त्यतिमात्र हैन पीएसजीको घरेलु मैदानमा पहिलो पटक उनी उत्रिएका थिए । त्यो खेलमा गोल गर्न नसक्दा उनका फ्यान निराश भए । त्यो भन्दा पनि चित्त मेसीले आफूले नै दुखाए । त्यसको कारण हो उनी दोस्रो हाफमा मैदान बाहिर जानु पर्यो । 

७६ औं मिनेटमा मैदानबाट बाहिर निस्कदै गर्दा उनी प्रशिक्षक मौरिसियो पोचिटिनोको निर्णयमा असन्तुष्ट देखिए । प्लेयर बक्समा पुगेर पनि उनी निराश देखिए । अहिले पेरिस सेन्ट जर्मन ९पीएसजी०को टोलीमा धेरै अन्योल देखिएको छ । 

प्रशिक्षक माउरिसिओ पोचेचिन्होले ७६ औं मिनेटमा मेस्सीको स्थानमा अश्रफ हाकिमीलाई मैदान प्रवेश गरेका थिए । मैदान छाडेर बेञ्चतिर अघि बढ्दा अर्जेन्टिनी स्टार मेस्सीको अनुहारको भावभंगीले प्रशिक्षकको निर्णयले अन्योलमा परेको प्रश्न देखिन्थ्यो ।

त्यो समयमा पीएसजी लियोनसँग बराबरीको अवस्थामा थियो । तर इन्जुरी टाइममा गोल गर्दै हकिमीले जित मात्र दिलाएनन्, पोचेचिन्होको निर्णयलाई सही सावित गरे ।

पीएसजीका लागि तेस्रो खेल खेलिरहेका मेस्सीले खेलको पहिलो हाफमा राम्रो खेलेका थिए । तर दुवै टोलीबाट गोल हुन सकेन । दोस्रो हाफको शुरुमै लियोनले गोल गर्‍यो भने ६६ औं मिनेटमा पाएको पेनाल्टीमा पीएसजीका नेइमारले बराबरी गोल फर्काए ।

खेलपछि पीएसजीका प्रशिक्षक माउरिसिओ पेचटिन्होले मेस्सीलाई सब्सिच्युट गर्ने निर्णयबारे स्पष्टीकरण दिएका छन् । ‘हामीले मेसीलाई बाहिर निकाल्ने निर्णय सम्भावित चोटबाट बचाउन गरेका थियौं । किनकि आगामी दिनमा निकै महत्वपूर्ण खेल खेल्न बाँकी छ र हामीले उनलाई चोटबाट बचाउनु पर्छ,’ उनले भने ।

यसै सिजन स्पेनिश क्लब बार्सिलोना छाडेर पीएसजी आएका ३४ वर्षे मेसीले पीएसजीबाट तीन खेल खेलेका छन् । पीएसजी लिगमा ६ खेलबाट शतप्रतिशत जितसहित १८ अंकबाट शीर्ष स्थानमा छ । तर मेसीको चिन्ता कायमै छ । 

पीएसजीले अब च्याम्पियन्स लिग खेल्नेछ । जसलाई जित्नु नै उसको लक्ष्य हो । मेसीको प्रयोग बढी च्याम्पियन्स लिगमा हुनेछ । मेसी छ पटकका बालोन डे’ओर विजेता हुन् । 

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar१२२.०३१२२.६३
European Euro१३१.६६१३२.३१
UK Pound Sterling१५०.८७१५१.६१
Swiss Franc१२५.०९१२५.७१
Australian Dollar७७.७८७८.१६
Canadian Dollar८६.९२८७.३५
Singapore Dollar८५.६५८६.०८