कमेडी च्याम्पियन सिजन -२ का विजेता भरतमणीलाई ९ लाखको पुरस्कार

असोज ६, २०७८ | साहारा लिम्बु
ajaako_artha

काठमाडौं - कमेडी च्याम्पियन सिजन २ का बिजेताहरूलाई सम्मान कार्यक्रम सम्पन्न भएको छ । भरतमणी सहयोग समितिको आयोजनामा सम्पन्न भएको उक्त कार्यक्रममा कमेडी च्याम्पियन सिजन-२ का तीन जना विजेतालाई सम्मान गरिएको हो ।
 
काठमाडौंको सांस्कृतिक संस्थान नाचघर जमलमा आयोजना गरिएको उक्त कार्यक्रम मार्फत कमेडी च्याम्पियन  सिजन २ का विजेता भरतमणी पौडेललाई ९ लाख ५ हजार रुपैयाँ पुरस्कार वितरण गरिएको छ । 

पूर्व पर्यटन मन्त्री तथा प्रतिनिधि सभाका सदस्य योगेश भट्टराईको तर्फबाट १ लाख, रेडियो तमोर १०२ मेघाहर्जको तर्फबाट १ लाख, ताप्लेजुङ समाजको तर्फबाट २ लाख र अन्य व्यक्तिहरू गरी जम्मा ९ लाख ५ हजार रुपैयाँको चेक हस्तान्तरण गरिएको हो ।


 
साथै कमेडी च्याम्पियनका फस्ट रनरअप बिक्की अग्रवाल र सेकेन्ड रनरअप सन्तोष थापालाई सम्मान सहित मायाको चिनो प्रदान गरिएको छ । उक्त सम्मान कार्यक्रममा बोल्दै सांसद योगेश भट्टराईले तीनै जना विजेतालाई बधाई दिएका छन् । साथै बिक्की र सन्तोेषलाई ताप्लेजुङमा आमन्त्रण गरे । 

उनले भने, 'तपाई हरूलाई ताप्लेजुङमा स्वागत छ । ताप्लेजुङको पाथिभरामा आफ्नो  मनकामना गर्न देश विदेशबाट आउने गर्छन् । तपाईँहरू पनि आउनुहोस् अवश्य तपाईँहरूको मनोकाङ्क्षा पुरा हुने छ ।' 

यस्तै ताप्लेजुङ एउटा पर्यटकीय गन्तव्य भएकोले एउटा कलाकारको माध्यमबाट पनि चिनाउन सकिने भन्दै ताप्लेजुङ पुगेर प्रचारमा सहयोग गर्न आग्रह गरे ।  उनले भरतमणी पौडेललाई यस अघि नै १ लाख पुरस्कार दिने घोषणा गरेका थिए । 

साथै भरतमणीलाई जिताउने पहलमा सक्रिय रुपमा लागेका थिए भने भोट गर्न पनि अपिल गरेका थिए । भरतमणी सहयोग समितिका संयोजक पिताम्बर सिग्देले भरतमणीलाई जिताउन सहयोग गर्ने सबैलाई धन्यबाद दिदै तीनै जना विजेतालाई बधाई तथा अग्रिम शुभकामना दिएका छन् । 

कमेडी च्याम्पियन सिजन २ का सेकेन्ड रनरअप सन्तोष थापाले ताप्लेजुङको एकतामा दम भएको र अब त्यहाँ भरतमणी जस्ता धेरै कलाकारको जन्म हुने बताए । यस्तै फस्ट रनरअप बिक्की अग्रवालले नेपाल आएर धेरै माया साथ सहयोग र सम्मान पाएको बताउँदै भरतमणी सहयोग समितिले गरेको सम्मान प्रति आभार प्रकट गरे । 

यस्तै कमेडी च्याम्पियन सिजन  २ का विजेता भरतमणी पौडेल आफ्नो लागि गरेको योगदान र साथ सहयोगको लागि धेरै धन्यबाद दिदै आगामी दिनका लागि पनि खबरदारी गर्न आग्रह गरे । 

उनले भने, 'हजुरहरुको साथ सहयोगले गर्दा नै मैले उपाधि जिते कसरी धन्यबाद दिउँ त्यसको कुनै शब्द म सँग छैन । अबको दिनमा कसरी अगाडि बढ्दा ठिक हुन्छ त्यो हजुरहरुले नै निर्देशन गर्नु पर्ने हुन्छ र मै के गर्दा ठिक हुन्छ  त्यसमा पनि हजुुरहरुले खबरदारी गर्नुु पर्ने छ ।' 

उक्त कार्यक्रम मार्फत ताप्लेजुङको प्रचार प्रसारका लागि सहयोग मिल्ने भन्दै यस अघि सार्वजनिक गरिएको १०१ फोटोेको किताब पनि तीनै बिजेताहरूलाई हस्तान्तरण गरिएको  छ । 

 

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar१२२.०३१२२.६३
European Euro१३१.६६१३२.३१
UK Pound Sterling१५०.८७१५१.६१
Swiss Franc१२५.०९१२५.७१
Australian Dollar७७.७८७८.१६
Canadian Dollar८६.९२८७.३५
Singapore Dollar८५.६५८६.०८