मैवाखोलामा प्रथम अध्यक्ष भलिबल प्रतियोगिता हुँदै, प्रथम पुरस्कार ३ लाख

मंसिर १८, २०७८ | आजको अर्थ
ajaako_artha

ताप्लेजुङ - ताप्लेजुङको मैवाखोला गाउँपालिकाले प्रथम अध्यक्ष भलिबल प्रतियोगिता २०७८ सञ्चालन गर्ने भएको छ । गाउँपालिकाले ३ लाख राशि पुरस्कार भएको उक्त प्रतियोगिता सञ्चालन गर्न लागेको हो । 

आगामी मंसिर २४ गतेदेखि पालिकाको केन्द्र साँघुमा पालिका स्तरीय पुरुष भलिबल प्रतियोगिताको सञ्चालन हुने पालिकाका प्रवक्ता थर्क कुमार चोङवाङ (दिवस) ले जानकारी दिए ।

खेलमा सहभागी हुनका लागि मैवाखोला बाहेक जिल्लाका ८ ओटा स्थानिय तहलाई पत्रचार गरि सकिएको उनले बताए । सहभागी हुने पालिकाका लागि मंसिर २३ गतेसम्म नाम दर्ता गर्ने समयावधि रहेको छ । 

खेलको विजेताले नगद ३ लाख सहित १ सय ६० तोला चाँदी जडित तीन वर्षे अध्यक्ष रनिङ कप, मेडल र प्रमाण पत्र प्राप्त गर्ने छन् । यस्तै उपविजेताका लागि नगद १ लाख ५० हजार सहित कप, मेडल र प्रमाण पत्रको व्यवस्था गरिएको छ । 

सेमी फाइनलमा पुग्ने दुई टीमलाई सान्त्वना स्वरुप नगद ३५ हजार सहित ट्रफी, मेडल र प्रमाण पत्र प्रदान गरिने आयोजकले जनाएको छ ।

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar१२२.०३१२२.६३
European Euro१३१.६६१३२.३१
UK Pound Sterling१५०.८७१५१.६१
Swiss Franc१२५.०९१२५.७१
Australian Dollar७७.७८७८.१६
Canadian Dollar८६.९२८७.३५
Singapore Dollar८५.६५८६.०८