विद्युतीय गाडी आयातमा प्रतिबन्ध खुल्ला भएपछि बिवाईडी एसयुभी एटो ३ नेपाली बजारमा भित्रने, मूल्य कति  ?

बैशाख २४, २०७९ | आजको अर्थ
ajaako_artha

काठमाडौं - सरकारले विद्युतीय गाडी आयातमा प्रतिबन्ध खुल्ला गरेपछि बिवाईडी नेपालले बिवाईडी एसयुभी एटो ३ नेपाली बजारमा भित्र्याउने भएको छ ।

नेपालका लागि बिवाईडी गाडीको आधिकारीक वितरक साइमेक्स इङ्क प्रालिले एक हप्ताभित्र बुकिङ खुलाउदै जेठ भित्र नेपालमा नयाँ विद्युतीय एसयुभि ल्याउने तयारी गरेको हो ।

बिवाईडी एटो ३ लङ रेन्ज एसयुभि मात्रै नेपाल आउने र अन्य मोडल केही महिनापछि मात्रै उपलब्ध हुने कम्पनीले जनाएको छ ।

विद्युतीय एसयुभि भएको कारण यो गाडीको बाहिरी र भित्री डिजाइनलाई नै आकर्षक बनाइएको छ । बिवाईडी एटो ३ मा ६०।४ किलोवाट आवर ब्याट्री उपलब्ध गराइएको छ जसले २०० एचपी पावर र ३१० एनएम टर्क जेनेरेट गर्ने क्षमता राख्छ ।

बीवाईडीले पछिल्लो समयमा प्रयोग गर्दै आएको ब्लेड ब्याट्रीको लोकप्रियता अन्तर्राष्ट्रिय रुपमा बढ्दै गएको पाइन्छ । अन्तराष्ट्रिय बजारमा ५० र ६० किलोवाट आवर ब्याट्री अप्सनमा गाडी उपलब्ध हुने भए पनि नेपाली बजारमा भने ६०।४ किलोवाट आवर लिथियम आयोन ब्याट्री भेरियन्ट मात्रै कार मात्रै आउने छ ।

त्यसैगरी ८० किलोवाटको फास्ट चार्जरले यसको ब्याट्रीलाई करिव ४५ मिनेटमै फुल चार्ज गर्न सकिने छ । एक पटकको चार्जमा नेपाल आउने बिवाईडी एसयुभि गाडीले ४२० किलोमिटरसम्मको रेन्ज दिने कम्पनीको दावी छ । ५ सिटरको रुपमा रहेको यो गाडीको १७५ ग्राउन्ड क्लियरेन्स रहेको छ ।

सुरक्षा र सहजताका लागि यसमा अटोमेटिक सिंगल जोन एयर कन्डिसनर, सिक्स–वे एडजस्टेबल ड्राइभर सिट,फोर–वे एड्जस्टेबल को–ड्राइभर सिट, वायरलेस फोन चार्जर, १२ भोल्ट सकेट, किलेस इन्ट्री र किलेस स्टार्ट, ३६० भ्यु क्यामेरा तथा वान टन ओपन र क्लोज टेलगेट जस्ता सुविधा उपलब्ध छन् ।

कम्पनीले बिवाईडी एटो ३ एक हप्ता भित्र बुकिङ खुल्ला गर्दै छ । एउटा मात्रै भेरियन्टमा उपलब्ध हुने भएको कारण पनि यो एसयुभि प्रतिक्षारत रहेको छ । नेपाली बजारमा आउँदा यो गाडीको मूल्य ६० लाख देखि ६५ लाखसम्म हुने अनुमान गरिएको छ ।

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

विनिमय दर

मुद्राएकाइखरिदबिक्री
INR (INDIAN RUPEE)१००१६०.००१६०.१५
USD (U.S. DOLLAR)१२३.६३१२४.२३
EUR (EUROPEAN EURO)१२८.८८१२९.५१
GBP (UK POUND STERLING)१५१.४५१५२.१८
CHF (SWISS FRANC)१२३.१४१२३.७४
AUD (AUSTRALIAN DOLLAR)८५.५८८५.९९
CAD (CANADIAN DOLLAR)९५.६६९६.१३
SGD (SINGAPORE DOLLAR)८८.६८८९.११
JPY (JAPANESE YEN)१०९.५६९.६१
CNY (CHINESE YUAN)१८.२११८.३०
SAR (SAUDI ARABIAN RIYAL)३२.९६३३.१२
QAR (QATARI RIYAL)३३.८५३४.०१
THB (THAI BAHT)३.५५३.५७
AED (UAE DIRHAM)३३.६६३३.८२
MYR (MALAYSIAN RINGGIT)२८.११२८.२५
KRW (SOUTH KOREAN WON)१००९.६३९.६७
SEK (SWEDISH KRONER)१२.२६१२.३२
DKK (DANISH KRONER)१७.३२१७.४०
HKD (HONG KONG DOLLAR)१५.७५१५.८३
KWD (KUWAITY DINAR)४०२.५९४०४.५४
BHD (BAHRAIN DINAR)३२७.९२३२९.५१