काठमाडौं - प्रथम नेशनल कराते च्याम्पियनसिप २०२२ हुने भएको छ । गैरआवासीय नेपाली संघ खेलकुद प्रतिष्ठानको आयोजनामा उक्त च्याम्पियनसिप हुने भएको छ ।
प्रतियोगिता आगामी भाद्र २४ र २५ गते हुने प्रतिष्ठानले जनाएको छ । प्रतियोगितामा ११ टिमका करिब ३१० खेलाडीहरूले भाग लिने छन् ।
प्रतियोगितामा प्रत्येक वजन समुहमा प्रथम हुने खेलाडीहरूले नगद रु १५ हजार सहित पदक, ट्रफी र प्रमाण पत्र पाउने छन् ।
यस्तै द्वितीय र तृतीय हुने खेलाडीहरूले क्रमश १० हजार र ५० हजार सहित पदक, ट्रफी र प्रमाण पत्र पाउने प्रतिष्ठानले जनाएको छ ।
यस्तै महिला तथा पुरुष तर्फ सर्वश्रेष्ठ खेलाडी पनि घोषित गरी पुरस्कृत गरिने छ ।
प्रतिक्रिया