एनसेलले शुरु गर्‍यो नयाँ प्रिपेड प्लानहरु,यस्ता छन् सुविधा

मंसिर ६, २०७९ | आजको अर्थ
ajaako_artha

एनसेल आजियाटा लिमिटेडले आफ्ना ग्राहकका लागि नयाँ प्रिपेड प्लानहरु ल्याएको छ। ग्राहकले आफ्नो दूरसञ्चार सेवाको आवश्यकताअनुसार सरल र सहज रुपमा यी प्लानहरु सुचारु गर्न सक्छन्।  

नयाँ प्रिपेड प्लानअन्तर्गत तीनवटा स्टार्टर प्याकहरु सजिलो, सहयात्री प्लान र सही यो प्लान अपडेट गरिएका छन्। यी प्याकहरु आइतबार (मंसिर ४) देखि सञ्चालनमा आएका छन्। ग्राहकले सजिलोको करसहित रु.९७, सहयात्री प्लानको रु.९८ र सही यो प्लान रु.९९ मा लिन सक्छन्। 

स्टार्टर प्याकअन्तर्गत सिम कार्ड खरिद गर्दा ग्राहकले स्वतः रुपमा सजिलो प्लान प्राप्त गर्दछन्। यसमा रु १० मेन ब्यालेन्स, ६० एमबी डेटा, ४० मिनेट अन नेट कल र ७ दिनको समयसीमा रहेको २० वटा अन नेट एसएमएस रहेको हुन्छ। 

त्यस्तै यो प्याक लिने ग्राहकले अन नेट भ्वाइस कलअन्तर्गत करसहित रु १.६२ प्रतिमिनेटमा कल, रु १ मा पे एज यू गो डेटा र कुनै पनि नेटवर्कमा एसएमएस करबाहेक रु. १ मा पठाउन सक्छन्। 

वैदेशिक रोजगारीमा जाने योजनामा रहेका व्यक्ति तथा परिवारका सदस्यहरुका लागि सहयात्री प्लान रहेको छ। यो प्लानअन्तर्गत ग्राहकले रु १० मेन ब्यालेन्स, १०० एमबी डेटा, ७ दिनको समयसिमा रहेको १० वटा अन नेट एसएमएस प्राप्त गर्न सक्छन्। यसका साथै सहयात्री प्लान लिने ग्राहकले भारतमा पहिलो ३ मिनेटको कल पछि १० प्रतिशत छुटमा कल गर्ने सुविधा प्राप्त गर्दछन्। 

सहयात्री प्लानअन्तर्गत ग्राहकले बीप सेवाको पनि फाइदा लिन सक्छन्। यस सेवाअन्तर्गत ग्राहकले आफ्नो मेन ब्यालेन्स शून्य भए पनि आफूले सम्पर्क गर्न खोजेको नम्बरमा मिस्ड कल गर्न सक्छन्। यसका साथै यो सिम लिने ग्राहकले विभिन्न ८ राष्ट्रमा अन्तर्राष्ट्रिय कलमा पहिलो १ मिनेट पछि छुट प्राप्त गर्न सक्छन्। 

त्यस्तैगरी अर्को स्टार्टर प्याक हो युवा वर्गलाई लक्षित सही यो प्लान। यो प्लानअन्तर्गत ग्राहकले इन्स्टाग्राम प्रयोग गर्न ३० दिन समयसिमा रहेको १ जीबी डेटा, १० मिनेट मेन ब्यालेन्स, १०० एमबी डेटा, १० मिनेट अन नेट कल र ७ दिनको समयसिमा रहेको १० वटा अन नेट एसएमएस प्राप्त गर्न सक्छन्। 

यसका साथै यी सबै स्टार्टर प्याकहरुमा पहिलो रिचार्ज अफर पनि रहेको छ। यो योजनाअन्तर्गत सिम कार्ड सुचारु भएको अर्को दिनको मध्यरातसम्म रु. २०० र सो भन्दा माथि रिचार्ज गर्ने ग्राहकले रिचार्जमा १० प्रतिशत बोनस प्राप्त गर्न सक्छन्। प्राप्त बोनस पे एज यू गो अन्तर्गत भ्वाइस, डेटा र एसएमएस सेवाको लागि प्रयोग गर्न सकिन्छ। बोनस रकम ३ दिनका लागि मान्य रहन्छ। 

नेपाल घुम्न आउने पर्यटकका लागि पनि एनसेलले रु. १००, रु. ५०० र रु. १००० का तीन प्लानहरु प्रदान गर्दै आएको छ। रु. १०० को प्लानमा ग्राहकले २०० एमबी डेटा, १० मिनेट (लोकल कल) प्राप्त गर्छन्। 

रु. ५०० को प्लानमा पर्यटकले रु ५० मेन ब्यालेन्स, ५० मिनेट लोकल कल र ७ दिनको समयसिमा रहेको १० जीबी डेटा प्राप्त गर्न सक्छन्। 

त्यस्तै रु. १००० को प्लानअन्तर्गत नेपाल भ्रमणमा रहेका पर्यटकले रु ५० मेन ब्यालेन्स, १०० मिनेट लोकल कल र २८ दिनको समयसीमा रहेको २५ जीबी डेटाबाट फाइदा लिन सक्छन्।

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

विनिमय दर

मुद्राएकाइखरिदबिक्री
INR (INDIAN RUPEE)१००१६०.००१६०.१५
USD (U.S. DOLLAR)१२९.८२१३०.४२
EUR (EUROPEAN EURO)१३६.५४१३७.१८
GBP (UK POUND STERLING)१५९.१३१५९.८६
CHF (SWISS FRANC)१३८.७९१३९.४३
AUD (AUSTRALIAN DOLLAR)८८.४३८८.८४
CAD (CANADIAN DOLLAR)९६.५६९७.००
SGD (SINGAPORE DOLLAR)९६.१०९६.५५
JPY (JAPANESE YEN)१०९.६७९.७१
CNY (CHINESE YUAN)१८.४८१८.५७
SAR (SAUDI ARABIAN RIYAL)३४.५४३४.७०
QAR (QATARI RIYAL)३५.४७३५.६४
THB (THAI BAHT)३.७४३.७५
AED (UAE DIRHAM)३५.३४३५.५१
MYR (MALAYSIAN RINGGIT)२९.५९२९.७२
KRW (SOUTH KOREAN WON)१००१०.००१०.०५
SEK (SWEDISH KRONER)१२.५७१२.६३
DKK (DANISH KRONER)१८.३६१८.४४
HKD (HONG KONG DOLLAR)१६.६८१६.७६
KWD (KUWAITY DINAR)४२३.४९४२५.४४
BHD (BAHRAIN DINAR)३४४.३५३४५.९४