काठमाडौं – नेपालमा टारो ब्रान्डका मोटरसाइकलको आधिकारिक वितरक ओम मोटोकर्प प्रालिले नयाँ वर्ष २०८० लाई लक्ष्यित गर्दै नयाँ अफर ल्याएको छ ।

कम्पनीले ‘टारोसँग अब माउन्टेन फ्लाइट, हरेक टारो बाइक र स्कुटर खरिद गरेर यस वर्ष राइड एन्ड फ्लाई’ नामक अफर ल्याएको छ । सो अफर आज देखि प्रारम्भ भएको छ ।

कम्पनीले नयाँ वर्षको अवसरमा आफ्ना हरेक बाइक तथा स्कुटर खरिदमा माउन्टेन फ्लाइटको सुविधा दिनुका साथै बाइक खरिदमा कम्पनीको तर्फबाट फुल इन्स्योरेन्स र हेल्मेट पाउन सक्ने तथा स्कुटर खरिदमा तेस्रो पक्ष बिमा र हेल्मेट पाइने जनाएको छ ।

हाल कम्पनीले टारो ब्रान्डका जीपी २ २००, जीपी १ २५० र जीपी १ ४०० गरी तीन मोडलका बाइक नेपाली वजारमा बिक्री–वितरण गर्दै आएको छ भने स्कुटरको हकमा १५० सीसीका दुई मोडल इमोला १५० र एलेक्स १ टी९ १५० ईएफआई उपलब्ध गराउँदै आएको छ ।

यी बाइकको मूल्य क्रमशः ५ लाख ५५ हजार, ६ लाख ७० हजार र ९ लाख ५० हजार रुपैयाँ छ भने स्कुटरको मूल्य क्रमशः ३ लाख ५५ हजार र ३ लाख ९५ हजार रुपैयाँ छ ।

टारोको हाल नक्साल, टेकु, धोबिघाट, हेटौंडा, इटहरी र पोखरा गरी ६ ठाउँमा शोरुम रहेको छ ।