आर्थिक मन्दीको चपेटामा जर्मनी

१ बर्ष अगाडि

काठमाडौँ- जर्मनी आर्थिक मन्दीको चपेटामा छ। यस वर्षको सुरुआती महिनाहरुमा युरोपको यो सबैभन्दा ठूलो अर्थतन्त्रमा मन्दी सुरु भएको थियो।

उच्च महँगीका कारण जर्मनीमा उपभोक्ताको खर्च घटेको छ। जर्मनीमा पहिलो त्रैमासिकमा जीडीपीमा ०।३ प्रतिशतले गिरावट आएको छ। गत वर्षको अन्तिम त्रैमासमा कुल गार्हस्थ्य उत्पादनमा ०।५ प्रतिशतले गिरावट आएको थियो।

नकारात्मक जीडीपी वृद्धिको लगातार दुई चौथाइपछि अर्थतन्त्र औपचारिक रुपमा मन्दीमा प्रवेश गर्दछ।

समाचार एजेन्सी रोयटर्सका अनुसार जर्मनीका अर्थमन्त्री क्रिस्चियन लिन्डनरले भने, ‘जर्मनीको जीडीपी डाटाले आश्चर्यजनक रुपमा नकारात्मक संकेत देखाउँदैछ।’

लिन्डनरले अन्य विकसित देशको अर्थतन्त्रको तुलनामा जर्मनीले आफ्नो विकास क्षमता गुमाउँदै गएको बताएका छन्।

जर्मनीका आर्थिक मामिलामन्त्री रोबर्ट ह्युबाचले ऊर्जा आपूर्तिमारुसमाथिको निर्भरताले जर्मनीका लागि हानिकारक साबित भएको बताए। ‘यसले देशलाई मन्दीतर्फ धकेलिएको छ तर वृद्धिको सम्भावना पहिले नै अन्धकार देखिइरहेको थियो’, उनले भने। 

जर्मनीमा घरायसी उपभोग त्रैमासिकमा १.२ प्रतिशतले घटेको छ। जर्मन सरकारले सार्वजनिक खर्च पनि अघिल्लो त्रैमासिकको तुलनामा ४.९ प्रतिशतले घटाएको छ। –एजेन्सी

 

१ बर्ष अगाडि

प्रतिक्रिया