नेपालीको ठुला चाडपर्व दसैँ, तिहार नजिकिँदै गर्दा चिनीको भाउ महँगो हुनु नौलो होइन तर यो पटक त चिनी प्रतिकेजी १५० रुपैयाँसम्म पुगेको छ । त्यो पनि सहज रूपमा सबै पसलमा पाइँदैन ।

एक महिनाअगाडि मात्रै प्रतिकेजी १०० रुपैयाँमा कारोबार भएको चिनीको मूल्य अहिले बढेर १५० रुपैयाँसम्म पुगेको छ ।

हिन्दु नेपालीहरूको मुख्य चाडपर्व  दसैँ,  तिहार  र  छठ सङ्घारमा छ यो समयमा चिनीको  बढी  खपत  हुन्छ यस्तो अवस्थामा व्यापारीले  बजार चिनी नियन्त्रणमा  लिने र  चिनीको  कृत्रिम  अभाव  सिर्जना  गरी  मूल्यमा  कालोबजारी गर्ने गर्दै आएका छन् । तर सरकारले भने बजार अनुगमन नगरेको भन्दै जनताले दुखेसो पोखेका छन् । 

राष्ट्रिय उपभोक्ता मञ्चले तीन महिनाअगाडि नै अनुदानको चिनी खरिद गरी सरकारको मातहतमा रहेका  खाद्य व्यवस्था  तथा  व्यापार  कम्पनी  र  साल्ट  टे«डिङ  कर्पोरेसनमार्फत  सर्वसाधारण  उपभोक्तालाई  बिक्री  गर्ने  व्यवस्था  गर्न  सरकारसँग  माग समेत गरेको थियो । हाल चिनीमा भएको कालोबजारी नियन्त्रणका लागि सरकारले हस्तक्षेप नगरेसम्म बजारमा भाउ नियन्त्रण नहुने अर्थ विज्ञहरूको भनाई छ ।